اضغط هنا إن لم يقم المتصفح بتحويلك آليًا .

07:45 مساءً , الأحد 7 أغسطس 2022

بديت بسم الله في مبتــــدا القـاف

زيادة حجم الخط مسح إنقاص حجم الخط
 

بديت بسم الله في مبتــــدا القـاف= الواحـــــــد المعبــــــود رب البـريه
من غيره ارجي وأتـــرجاه وأخـــاف= سبحـــــــان ربٍ عالـــــــم بالخفيه
ومن بعد ذكره لي مع الشعر ميقـاف= وفكري على العــــاده نــواله نويه
للـدار قلبي يا أبـــو نــواف ميــلاف= مشتاق انا لذيك الــديــار العــــذيه
داراً بهــــا لطيب مسكـن ومضيـــاف= دار الكرم والجـود وايضا الحــميه
داراً سكنها يالخـوي زين الاوصــاف= دار الحبايب والنفــوس الــــرضيه
حبي لها يأصل ليا حــــد الإســــراف= لمنهو سكن حايـــل وحايــل سويه
ومشتاق انا لذيك النوازي والاريـاف= وشوف البراري والفجــوج الخليه
مع شبة للنـار في رأس مشـــــراف= يجذب سنا ضـوه قلــــوب طـــــريه
عليه دلال كالغــــرانيق وقـــــــــاف= من شافهن يطيــب لــــوبه شكـــيه
والارض عشب وحاويه كل الاصناف= وعبيـــرها ينعشـــك ريحــــه زكيه
ومشتاق انا لمـلاقف الصيـــد شغاف= وطـــرد القنص في ديـرة جرهدية
للصيد لــــــذه وانت بالصيـــد عراف= ومطـــارده بالطيـــــر ولبنــــــدقيه
خص ليا فــــــرع لها وضــم الاكتاف= وشعق بعــــال الجـو وأنحى نحيه
وحقق عليها وصــابهـــا منه رجـاف= واسهم عليهــا وخمهــــا في يديه
واخمرعلى جوفه من الصدر غـراف= تسمع حطيب ضلـوعهـــا له شكيه
ماكولنا فيهـــــا من الخيـــــر قطــاف= نوب طبيخ ونـــوب نشوي شويه
طلعات بـــــراً ما تـوصف بالأوصاف= تانس بها مــع لك رجــــــال وفيه
نقوة عيال دوم حلـــوين ولطـــــــاف= من طيبهم كلٍ يقــــــــدر خــــويه
هذا هواي ورغبتـــي يا بـو نــــواف= هذا الذي ياخـوي يطـــــري عليه
عساك في عــــز على عــز ينشـــاف= ياصاحبي تفـــــداك نــــاس رديه

بواسطة : المشرف العام
 1  0  2.4K
التعليقات ( 1 )

الترتيب بـ
الأحدث
الأقدم
الملائم
  • #1
    01-14-2010 04:19 صباحًا أبـو قـصـي :
    للصيد لذه وانـت بالصيـد عـراف
    ومـطـارده بالطـيـر ولبندقـيـه
    خص ليا فرع لها وضـم الاكتـاف
    وشعق بعال الجـو وأنحـى نحيـه
    وحقق عليها وصابها منه رجـاف
    واسهم عليها وخمهـا فـي يديـه
    واخمرعلى جوفه من الصدر غراف
    تسمع حطيب ضلوعها لـه شكيـه
    ماكولنا فيها مـن الخيـر قطـاف
    نوب طبيخ ونـوب نشـوي شويـه

    صح بدنك واتمنى السعاده لك في الدارين مره اقول شاعر ومره استاذ ومره حكيم

    والأكـــيــــد مـــنـــــك نــــســــفــــيــــــد الشكر والتقدير