عمان
09-24-2009 12:37 صباحاً
0
0
1879
 |  | |
|
قلبي مع الديـــره ونا وسط عمـــــان= وعشقي انا يكفي لناس الجزيـــــره وما شاهـــدت عيني ولاشاقها إنسان= ياكــــود من هـــو من خيار العشـيره خلٍ على شـــوفه شفــوقٍ وشفقــــان= واسعد بطـــــاريهم وهي لي بشـــيره لهم بقلبي كبر ضلعـــان رمـــــــــــان= ماغيره رغـــم السنين الكثـــــــــــيره كثرت انا السفـــــرات لو قيل غلطـان= لاشك فيها الفايــــده والبصــــــــــيره وفيها لقيت ان الحــــــلا ليه عنــوان= بلبس العبــاة وغطــــوته والستـيــره نبي الحياء دام الحيا رمـــز الايمـــان= ونبي من الواقـــع على النفس خـيره وفيها لقيت بخـــــــــوة الناس تبيـان= ناسٍ عســـل والباقيـــه كا لمـــريره احدٍ على يمناك للفعل برهـــــــــــان= له وقفتن تعجـــز رجالٍ كثـــــــــــيره واحداٍ كما الواوي على الدوم زعلان= ينشب بحلقــك ليه ماتستشــــــــــيره مارالله على اللي صممه بســـم يابان= خليجي المصــــــــدر لمينا الفجـــيره جيب عليه لطيب العلم عنــــــــــوان= ياصل مواصيلٍ عجـــــز عنه غـــيره عليه قرم لصعيبــــات بطــــــــــــران= مامل دربه بالسفر هـــو جديـــــــــره حرك طلوع الشمس من جبل عمـان= وحايل لمقاصيــــــده ومعه السريـره ولروض جبه وكثرة الطــــرق تبـيان= خمسة عشر كيلو شمــــــــال مسيره تلقى اخوي الطيب الوافـــــي الحــان= رجل تميز بالعلــــوم السفــــــــــــيره ابوي دام العـــــز للعز عــــــــــــنوان= عساه في حفظ الكريم ويجــــــــــيره تلقاه عنـد نياقه الوضـح سكـــــــــان= ودلـــه ومجلس ماتبـــــي دوم غـيره رجل تنزه عن النمايم والافتــــــــــان= يقول مابي لمسكــــــة العرض سـيره ابعد مطاليعه عن افلان وفــــــــــلان= يقول بعـد النفس ياخوي خــــــــــيره سلم عليه وقله أخـــــــــــــــوك ودان= لاشايــــــفٍ ذل ولابه حســــــــــــيره مار انت تعرف ما خفا وكــل ما بـان= وتعــــرف طويل السالفه من قصـيره هواي في جلسات ربـــــــع لهم شـان= اهل العلــوم الطايله والسفـــــــــــيره ماهــم من اللي عيشتـــه بس دخــان= وبأخــــر الجلسه ختمها بــــــــــــيره هذا ونا من لابة(ن) علمها بـــــــــان= مرضـــى لنفسي بالهوان ومســــيره أنا أخوك أخوك والعـز نيشـــــــــــان= ارجي من الرب الكريم الستـــــــــيره الله يعز الدين ويديـــم الايمـــــــــــان= والله يـوفقنــــا لما راد خـــــــــــــيره وصلاة ربي عد ما كاين (ن) كـــــان= وعداد حصو القاع في كل ديـــــــــره على الرسول المصطفى نسل عدنـان= شفيعنا يوم المــواقف عســـــــــــيره | ||
 |  |
الشاعر / نافع بن محيا الحسيان
