اضغط هنا إن لم يقم المتصفح بتحويلك آليًا .

07:29 مساءً , الأحد 7 أغسطس 2022

لاضاق يبعد عن دروب متاييه

زيادة حجم الخط مسح إنقاص حجم الخط
موقع عشيرة ال عجي 
==( لاضاق)==



تقول وش ذنبي وأنا قــــــول لبيه=والله مــا لك ذنب يا راس مـــــــالي
كود الغلا والقلب محداً سكن فيه= والله ولاغيـــرك شغـــــل دوم بالي
مابي أكدر صفـــو عيشك ومافيه=ولابيك تتضـــــايق على شـان حالي
ابي على مفرج واشوفه وماشيه= هي عــــــادتي انصاه لاضاق بالي
لاشك طبعي وانتي اللي عرفتيه= حـــــراً معـــاش الــــذل أول وتالي
على الرجوله والصـــــراحه مباديه=وعلى الكرم والصدق تبقى خصالي
ورثاً ورثته ماشـــريتـــه ولا أعطيه= متمسك به لــــــو تطـــــول الليالي
لاضاق يبعـــــد عن دروب ومتاييه= ويرتاح من شـــــوفة غثيث الرجالي
اللي على السوه كــــرام مباديه=وعلى الخساسه واحتــــرام الريالي
وشلي بداره يالغلا ويش لي فيه=بفــــــراقهــــــم عزي ويـــرتاح بالي
اما أنت يابســـمة حياتي ومافيه= يهون من شــــانك حـــــلالي ومالي
تستاهلين الشعر ياجمل معانيه=وتستــــاهلين الحب يا أعـــــز غالي
ماهو غياب غيــاب قلب سكنتيه= والطيـــــف مافــــارق دقايق خيالي
مع السلامه ياغــــلا قلب راعيه= واستــــــودعك ربي عـــزيز الجلالي
بواسطة : المشرف العام
 11  0  2.3K
التعليقات ( 11 )

الترتيب بـ
الأحدث
الأقدم
الملائم
  • #1
    12-03-2010 07:42 مساءً سعد بشير العلي :
    صح لسانك أبو فيصل شاعر جزل
  • #2
    12-03-2010 07:49 مساءً محمد بن عبدالله الفهيد :
    صح لسانك صح لسانك صح لسانك صح لسانك يا بو فيصل .



    على الرجوله والصراحه مباديه
    وعلى الكرم والصدق تبقى خصالي

    ورثاً ورثته ماشريته ولا أعطيه
    متمسك به لو تطول الليالي

    لاضاق يبعد عن دروب ومتاييه
    ويرتاح من شوفة غثيث الرجالي

    * كفو كفو كفو والف كفو يابو فيصل ولاهوب غريب عليك .



    اما أنت يابسمة حياتي ومافيه
    يهون من شانك حلالي ومالي

    تستاهلين الشعر ياجمل معانيه
    وتستاهلين الحب يا أعز غالي


    ول ول ول وش هالبيتين وربي عن الف قصيدهـ..
    وين انت مخبي الجانب الغزلي
    ابو فيصل بصراحه البيتين اعجبنن بالحيل اعذرن سجلتهن بجوالي وابي استسمحك برسلهن >>> لعزيز وغالي ...
  • #3
    12-03-2010 08:56 مساءً المشرف خالد الغربي :
    والله ولاغيرك شغل دوم بالي


    هنيااله يابو فيصل هاللي ببالك

    وصح لسانك .. قصيده جزله
  • #4
    12-03-2010 09:15 مساءً ابو لينان :
    ابو فيصل


    شاعر مروض بحور الشعر ذيبان ابو محيا


    تقول في بيت القصيده /




    لاشك طبعي وانتي اللي عرفتيه

    حرا معاش الذل اول وتالي


    علي راسي ياعشير الذيب كفووو







    ابو لينان
  • #5
    12-03-2010 09:21 مساءً تميــــــــم :

    صح لسانكـ يابو فيصل
    هي عادتكـ ولا من غرابه يابعد تسبدي
    بس حصل خطأ املائي اعتقد كان ماخاب ظني بالبيت والكلمة بين القوسين اللي يقول :
    تستاهلين الشعر( ياجمل) معانيه
    وتستاهلين الحب يا أعز غالي
    اعتقد تقصد ( باجمل )
    دمت يابوفيصل بالصحة والعافيه
  • #6
    12-04-2010 05:12 صباحًا تميـــــــــم :

    تعقيـــــب على ردي السابق ...صح لسانكـ وعلااا شانكـ يابو فيصل ----
    بالنسبة لما ذكرت في الرد السابق احتمال وقوع خطأاملائي بالبيت ( تستاهلين الشعر ياجمل معانيه
    وتستاهلين الحب يا أعز غالي )
    وخاصة بالكلمة ( ياجمل ) وبعد اعادة قراءة البيت استنتجت انها صحيحة وليست خطأ كما اعتقدت حيث اسنادكـ للمعنية بأنها اجمل من معاني الشعر لأنكـ قصدت ( يااجمل معانيه ) وتنطق الكلمة ( يـ جمل معانيه ) لكني انا اعتقدت انكـ تسند الجمال لها كمعاني الشعر وهو ( باجمل معانيه ) وهنا وقع سؤ فهمي خطاكـ السؤ ياابافيصل 00000
    وتقبل مني اعتذاري ادامكـ الله بالعز والصحة 0-0-
  • #7
    12-04-2010 05:14 صباحًا تميـــــــــم :

    ( تعقيـــــب على ردي السابق )...صح لسانكـ وعلااا شانكـ يابو فيصل ----
    بالنسبة لما ذكرت في ردي السابق بشأن احتمال وقوع خطأاملائي بالبيت ( تستاهلين الشعر ياجمل معانيه
    وتستاهلين الحب يا أعز غالي )
    وخاصة بالكلمة ( ياجمل ) وبعد اعادة قراءة البيت استنتجت انها صحيحة وليست خطأ كما اعتقدت حيث اسنادكـ للمعنية بأنها اجمل من معاني الشعر لأنكـ قصدت ( يااجمل معانيه ) وتنطق الكلمة ( يـ جمل معانيه ) لكني انا اعتقدت انكـ تسند الجمال لها كمعاني الشعر وهو ( باجمل معانيه ) وهنا وقع سؤ فهمي خطاكـ السؤ ياابافيصل 00000
    وتقبل مني اعتذاري ادامكـ الله بالعز والصحة 0-0-
  • #8
    12-04-2010 01:24 مساءً ابو هادي :
    صح الساااااااااااااانك

    قصيدة رائعة
  • #9
    12-04-2010 04:17 مساءً أبو بنـدر :
    صـــح لسانكـ
    يأبو فيصل
  • #10
    12-09-2010 06:16 مساءً ابو ريما :
    أبو فيصل ,,


    صح لسانكـ ,,
  • #11
    12-12-2010 05:16 مساءً الجوكرررررر :
    صح السااااااااانك يابو فيصل على القصيدة وثريك داهيه باالقصيد ماشالله اجل الزم تقصد بي ولا ابي اشره عليك وعطني من القصيد الي عندك ومالك الا ياجازك وفالك البيراق