تشفي مريض من اعز الاصاحيب

ياالله يالي تعلم السر والغيب = ياواحد فوق السموات عالي
يامثبت سود الجبال المحاديب =وياباسط ارض السهل والرمالي
يالي بك المسلم يشد المطاليب =بك استعين وبك رجاي او سؤالي
يالله طلبتك وانت للمسلم إتجيب =تقبل دعانا ياوهيب الجلالي
تشفي مريض من اعز الاصاحيب= وياعل عمره من طوال العماري
ويشفيك ربي عقب الامراض والطيب=في جاه من عينه متنام الليالي
يازيد من ناس تسد المواجيب =إمعرب ساسك ومن راس عالي
يازيد ابوك هليل هو منقع الطيب=ترفع لهاالبيضاء عريب الخوالي
خواله العقلاء طوال الاشانيب=اخوان ساره محتمين التوالي
يوم قوت الناس نهب اومكاسيب=كسباتهم من الطيبات الجزالي
لاجاله العاني وقفله إبترحيب = وقدم له البن الحمر بالدلالي
وقلط صحون مربعات المقاضيب =عليهن إعراض الظهر والفقاري
علم صحيح ولا دخل به اكاذيب= وهاذي وهبه من عزيز الجلالي
شهادة قلته إبيظ المكاتيب=وانا من اشهوده إبما ضيات الليالي
تمت وصلو عد حروف المكاتيب= وإعدادنبت الا رض وحصو الرمالي