 |  | |
بســــــــــم الـــلــه الـرحـمـن الــرحــيـم الحمد لله على قضاء الله وقدره حصل حادث قبل فتره على ولدي حمد ويرافقه ابن خاله حميدان ابن ناصر الحمد الغزل ونتج عن الحادث وفاة حميدان الله يرحمه ويغفر له وكان موقف ناصر يرفع الرأس وقال كلهم عيالي الحي والميت والحمد لله اللي أخذ واحد وترك لي واحد وأنا ماني شاعر ولاكن موقف ابو حمد اجبرني على كتابة هالأبيات: يالـلـه ياخالـق مــن المـي الإنســــان = يامطلعــه مابين صلـب وترايـــب ياخالـق الإنسان مـــــــن صلب الإنسـان = وياباعثه من تحت عوج النصايـــب ويامحـدد الإســلام فـي خمســـة أركــــان = ويافاتــح التوبـة لمن جاك تايب وياغـافـر الـزلات يـاوال الاحســــــان = يالله طلبـتـك يامجيــب الطـلايــب تطـول عمـر نـاصـر وتـرحـــم حمـيــدان = وياعل جسمه عن سناء النار غايب ويـارب تـجـعـل لــه بـجنـتـك مسكــان = فـي جـاه من بامره يدير الهبايب الآدمــي مـطـلــوب والـمــوت ديــــان = وللعمر حـد وللمنـايا سبـايـــب يامــا خــذا منــا شبــاب وشيــبــان =وياما خذا مـن رابطـات العصايب يابـو حـمد مـأحدن مـن القـــدر جزعان=ومايكتــب المعبود للعبـد صايــب ياناصر المسلم يتـسلــــح بالإيــمـــان = والمسئلة ماهـــــي بضرب وغلايـب موقـفــك معنـا مـايثـمــن بالأثـمــان =الساس طــيـب وأنـت بالفعل طايب قلـت البنــاخي مـايـوديـه سجــــــان = هذا البناخــي مـن أعز الـقرايب قلتـه وكـلـن يسـمعــه جـهـر واعـلان =ومـاهـي غريبه ياعـريب النسايـب ذرفــان مـن ذرفـان من سـاس ذرفــــان =تاريخهـم معــروف وقــت الحرايـب عـدوهـــم مـايــمسـي الليــل سهــران = وكـــم غزوتن ينقع به الدم رايب واليا احتمى الموقـف صـواريـم شـجـعـان =وبالسـلم تلقاهـم اصحـاب وحبايب والمعـذرة ولكــان بـالـقــول نقـصــان =والــله يـجنبنا ظروف المـصـايـب تـمت وصـلوا عـد مـأخضــرت اغــصـــان =وإعــداد ماخـط الـقلم بالكتايب علــى النـبــي الـمـصطفى نسـل عدنـان= شـفيعنـا يوم الحشــر والكـرايـب غايب عبدا لله العامر | ||
 |  |
تسلم يابو حمد على المشاعر الطيبة.. تقول ما أنت شاعر وفعلاً بعض المواقف تفجر المشاعر من شدة عظمة تأثيرها على الانسان..
وموقف الأخ الفاضل ناصر الحمد موقف يهز كيان الانسان بأكمله.. وهو موقف جدير بألوقوف عنده وتأمله بل وجعله عبره وقدوه يقتديبه كل من مر في مثل هذا الموقف .. ومهما حاول الانسان الكلام عن شهامة موقفه فلن يوفيه حقه .. ومهما حاول شكره فلن يصل الى جزء من مدى كرمه..
ولكن هذا ليس غريب على الأخ الفاضل / ناصر بن حمد الغزل فهو أنسان فاضل مؤمن بقدر الله .. ونرفع له البيضاء على فعلته.. وكما قلت هذا ليس غريب عليه فهو ينتمي الى قبيلة الذرفان التي عرف عنهم مثل هذه المواقف المشرفة .. والذي اشتهروا بالحمية والكرم وبذل المعروف ،،
أبو خالد ،،
===
اما الاخ الفاضل ناصر بن حمد الغزل فلا يستغرب عليه هذه الفعله .
يقول الشاعر ( ماهو غريب الطيب من منقع الطيب))
وهذه سمة الانسان المؤمن وسوف يجد جزاه وثمرة صبره واحتسابه عند رب العالمين
رحم الله ابنه رحمة واسعه واسكنه فسيح جناته .
ابوفيصل
ويسكنه الفردوس الأعلى
...
وصح لسآنك ..~
الساس طيب وأنت بالفعل طايب
العفو والتسامح من شيم العرب وصفة نبيله سطروها الأخيار من الرجال، وهاهو ناصر بن حمد الغزل يضرب لنا أروع الأمثال .. والنعم والله من لحية ..
أبو حمد .. لا فض فوك .. جزلة جدا ..
له ولك منا صادق الدعاء ..