اضغط هنا إن لم يقم المتصفح بتحويلك آليًا .

02:09 مساءً , الثلاثاء 18 سبتمبر 2018

الشاعر / عويد المغيليث يمدح الاخ عويد القبلان

تراه ابو سلطـان ياحـل طريـاه&عويد ولد قبلان رجـل المهمـات

زيادة حجم الخط مسح إنقاص حجم الخط
موقع عشيرة ال عجي / ابو فيصل : 




image

قصيدة للشاعر عويد المغيليث يمدح بها الاخ الفاضل عويد بن قبلان الطعيميس


اللي عمل بك طيب وشلون تجزاه=الياصار ماتملك سوى نظم الابيات
رجل سعى للطيب والطيب مبـداه=ماهو من اللي يعشقون الدعايات
ياقاري كتابـي وتفهـم بمعنـاه=ابغاك تدعي له بكـل الصلـوات
تراه ابو سلطـان ياحـل طريـاه=عويد ولد قبلان رجـل المهمـات
ولد الزميلـي مفخـره لاعدمنـاه=العلم غانم في جميـع المجـالات
ماغرته رتبـه ولاشـان ملقـاه=من روس قوم كل أبوهم زعامات
اولاد الازمل يحتمـون المخـلاه=الياثارت الهيجا تناخـو زميـلات
واليوم ابو سلطان عون لمن جاه=مواقفـه ماهـي علينـا خفيـات
مواقفـه للشمـري قبـل ينخـاه=فيه الطناخه والعلـوم الجميـلات
رباه عود تبـذل الطيـب يمنـاه=ماهو من اللي ياعطا جر ونـات
في جنة الفردوس ياعـل مـأواه=قولو معي امين في عال الاصوات
والخاتمه صلو عدد حرف قلنـاه=على النبي اللي لفـا بالرسـالات


الشاعر / عويد المغيليث
بواسطة : المشرف العام
 8  0  3.2K
التعليقات ( 8 )

الترتيب بـ
الأحدث
الأقدم
الملائم
  • #1
    11-09-2011 07:00 مساءً المشرف العام :



    يستاهل اللي يرفع الراس طرياه=نعم بابو سلطان راع المهمات
    يستاهل الممدوح مدحاً تنعاه=ويستاهل اللي له مع الوقت وقفات
    رجل سعى لطيب والطيب مبداه= وماهي غريبه يوم جاله مجالات
    على المماشي طيب الذكر ممشاه= درب الجدوداللي له الطيب عادات
    نفخر بمثله والمدايح كسبناه= وهذي مقانيص السعد والمروات
    اما انت ياراعي بيوت قريناه= شكراً لكم فيما ذكرته بالابيات
    يابن مغيليث المدايح وشفناه = ورد الثناء واجب لكم انت بالذات
    شكراً جزيل ومن عمل شي يلقاه = والخير في وجهك عسى كل الاوقات
    تقبل تحياتي / ابو فيصل

    • #1 - 1
      11-15-2011 02:16 مساءً عويد المغيليث :
      السلام عليكم ورحمة الله وبركاته
      الاخ العزيز ابو فيصل
      اولا صح لسانك يالعزوه
      وبيض الله وجهك على هذا الرد الجميل
      وماكاتبته انا قليلا بحق الا
  • #2
    11-09-2011 07:36 مساءً حائلي :
    يستاهل ابوسلطان وماقصر بي ااااااااااااااااااااااااناااااااااااااااا وبيض الله وجهه
  • #3
    11-09-2011 09:04 مساءً المشرف ممدوح المشيط :
    أبو سلطان العم عويد أنا أشهد إنك تستحق المدح وإنت فخر لربعك ولابتك



    القصيده تعنينا كلنا وهي مدح لنا قبل أن تكون لأبن عمنا



    بيض الله وجهك يابو سلطان


    وصح لسان الشاعر
  • #4
    11-10-2011 12:13 صباحًا محمد عبدالله الفهيد :
    يستااااااااااهل ابو سلطاااان كل علمن طيب وكلنا نفتخر بهذا الشخص
    • #4 - 1
      11-10-2011 07:13 مساءً ال عجياوي :
      [size=5]عاجز عن كلمات مدح لهذا الشخص في قلوبناله مني ومن الكل كل الاحترام والتقدير مغروسة له في قلوبنا ....فقد كان مثالا لنا فنعم الاخ العزيز الخل
  • #5
    11-12-2011 05:57 صباحًا علي حواس المغيص :


    يستاهل ابو سلطان والف شكر للشاعر عويد المغيليث
  • #6
    11-12-2011 06:26 مساءً تميــــــــم :
    صح لسانكـ يابن مغيليث
    وابو سلطان يستاهل كل خير
  • #7
    11-14-2011 09:38 مساءً المشرف خالد الغربي :
    صح لسانه

    ويستلأهل ابو سلطان ..~
  • #8
    11-20-2011 08:59 مساءً ابو ريما :
    صح لسان الشاعر / عويد المغيليث .


    ويستاهل أبو سلطان كل خير .