اضغط هنا إن لم يقم المتصفح بتحويلك آليًا .

07:16 مساءً , الأحد 7 أغسطس 2022

قصيدة مهداة للاخ الشهم / سلمان بن عناد الذرفي

في موقفه النبيل في مساهمته في أنقاذ إبننا الشاب عبد الكريم بن سيار بن مقبل العجي .

زيادة حجم الخط مسح إنقاص حجم الخط
 





قصيدة مهداة للاخ الشهم سلمان بن عناد بن خلف الذرفي في موقفه النبيل في مساهمته في أنقاذ إبننا الشاب عبد الكريم بن سيار بن مقبل العجي .
مما قال الشاعر / نافع بن محيا الحسيان مع وافر الاعتذار والحب والتقدير.




image




قال الذي ترجــــــــم من الراس قيفــان =في قصــــــة ماهـــــي عليكـم خفيه
مـــدح بمــن هــــو بالمــــواقف بليهان= في ساعــــــــة كـــــل يواسي خويه
الطيب يعــــــرف راعيـــــه مثل سلمان =ويستاهــــل التقديــــــر راع الحميه
مشى ولا رد الخبـــــــــــر لأي من كان =حتى ولــو هي بالامـــــــر عسكريه
شوره براســـه والطناخـــــه والاحسان= والفزعــــة اللي في عروقــه سريه
تسلم يمينـــــــك ياذرى كــــــــل بلشان =عاداتكــــــــم يأهل العـــلوم السخيه
فيكــــــــــــم غدا للطيب مسلك وعنوان= وهذي هي الهقــــوه وفيكــــم حريه
والله ونعــــــــــــــم ياسلايل كحيـــــلان= من لابة الذرفـــــــان نعــــــم الدنيه
اللابة اللي فعلــــــــــــها دايـــــــــم بان= ماضي وحاضــــــر والفعـــايل وفيه
والنعـــــــم جبتـــــه يالوفي كل الاحيان= نسوقهــــــــا لك والمشــــاعر هديه
من شاعـــــــــــر يمدحك والفعل برهان =وترجـــم لك الأبيات معــــــه التحيه
نفخر بمثلك يافتـــــــى الجــــود سلمان =واعتز بك وامدحــــك صبح ومسيه
حيزاء ليــــــــــا منه وقف كــــل بلشان =وضاقت به الدنيــــا وصـــــفق يديه
تبينوا والعلــــم ماحتـــــــــــــــاج تبيان =مثل ابو تــــركي والرجـــــال الوفيه
صاروا سبب بنقــــاذ من كــــان نشبان =الصبـــــح ملقي وانفقـــد من عشيه
صــــوت ابو غربي وناداه يافـــــــــلان =واجاب في صـــوت غزتـــــه المنيه
محمــــد عـــريب الساس لطيب شفقان =من روس ربعي سعد من هو خويه
لول الله المعبــــــود عــــــــلام ماكـــان =ثم الرجـــــــال اللي تحامــــوا حميه
توافــــدوا يوم الطلب يمهـــــــــــم حان =وتسلحوا بعــــــــزوم ربــع قـــويه
وصلوا بعـــــد توفيق خـــــلاق الانسان =والله يقــــدي العبــــد من حسن نيه
وشاله عريب الساس من فـوق الامتان =وحوله من ضلــــــــــع دروبه عليه
ومعهـــــــم عيـــــال بالصعيبــات عيان =ربعي ذرى راسي كعـــــــــام الونيه
معروفكــــــــــــم ماينســـي كل الازمان =وشكـــــــراً لكم يأهل الفعول الوفيه
والعذر منكــــــــــم ياسلايل كحيــــــلان =عن كل تقصيــــــــر وحقـــــك عليه
وصلوا معي أعـداد همــال الامـــــــزان =على شفيـــع الخلــــق طـــــــه نبيه
بواسطة : المشرف العام
 6  0  4.6K
التعليقات ( 6 )

الترتيب بـ
الأحدث
الأقدم
الملائم
  • #1
    09-19-2012 07:49 صباحًا ماجد الحواس :
    بيض الله وجهك بابو فيصل على القصيدة عز الله أنك ماقصرت وأخوي سلمان ماهي غريبه

    عليه الفزعه هذا جزء من عمل ربعة الذرفان راعين الحيزا ونعم بك وبهم وسامحوني على القصور

    والحمد لله على سلامة الجميع ...!
  • #2
    09-20-2012 01:26 صباحًا المشرف عادل غربي الجزاع :
    صح لسانك يا ابو فيصل

    يستاهلون المدح ( سلمان _ محمد )

    بيض الله وجيهكم جميعا
  • #3
    09-20-2012 05:32 صباحًا أبو روان :
    صح لسانك أبو فيصل

    ويستاهلون النشامى


    والحمدلله على سلامة عبدالكريم
  • #4
    09-20-2012 11:47 صباحًا فهد الغالي :
    صح لساانگ يابو فيصل

    وقصيدة قمة في الروعه

    ويستاهلون سلمان ومحمد

    الله يكثر من امثالهم
  • #5
    09-21-2012 02:04 صباحًا المشرف راجح جزاع الجوعان :
    صح لسانك يابو فيصل

    ويستاهلون الابطال سلمان ومحمد هذه القصيده

    انت شاعر ال عجي وبيض الله وجهك يالغالي
  • #6
    09-23-2012 01:37 مساءً المشرف خالد الغربي :
    صح لسانك يابو فيصل

    ويستأهلون ..~