اضغط هنا إن لم يقم المتصفح بتحويلك آليًا .

07:23 مساءً , الأحد 7 أغسطس 2022

أطلع رفاع القاع

زيادة حجم الخط مسح إنقاص حجم الخط
الشاعر / غايب بن عبدالله ال عجي 

اطلع رفاع القاع وأترك طمانه=وخل الطمان وذب روس الشناخيب
والطيب للرجال سور وحصانه=يحميه من هرج القفى والعذاريب
يرفع مقامه في خفاه وبيانه=وينزله في عاليات المراقيب
شد العزوم وخل عندك حصانه=والذيب مايمشي على خطوة الشيب
امسك خيول المرجله من عنانه=وارو العطش من صافيات المشاريب
وسط المجالس خل هرجك تكانه=وياطالت الجلسه جفوك المعازيب
واختار من جزل المعاني سمانه=واترك كلام مدورين الشواذيب

الشاعر / غايب بن عبدالله ال عجي
بواسطة : المشرف العام
 7  0  1.9K
التعليقات ( 7 )

الترتيب بـ
الأحدث
الأقدم
الملائم
  • #1
    02-11-2015 05:07 صباحًا علي بن حواس المغيص :
    صح لسانك يابو عبدالله

    وسط المجالس خل هرجك تكانه

    وياطالت الجلسة جفوك المعازيب


    -------------------------------------------

    طبيعة اللغات واللهجات أنها "نامية" لأنها حية وتعيش بين الناس


    (تكانه)

    ومعناها ثقة .. ويندر في جيلي من لم يقل له أبوه - حين كنا مراهقين أو قبل المراهقة (خلك تكانه) أي ثقة، وإذا أوصى الأب ولده المراهق بأمر هام فنسي الولد وانشغل باللعب وعاد وسأله والده عن الموضوع الذي أوصاه به فتأسف الولد وخجل وذكر أنه نسي قال له والده (ما أنت بتكانه) أي لست ثقة .

    وأظن الكلمة دخيلة على العربية من الهند أو غيرها.. على مأظن .

    جفوك : أي جفا الحبيب : أي هجروك .


    ودمتم بخير ( أبيات جميلة )
  • #2
    02-11-2015 08:27 صباحًا مُعجب :
    صح الله لسانك أبيات جميلة ونصائح سمينة
    من رجل رزين ومحبوب لاتستغرب منه مثل هذه الجزالة
  • #3
    02-11-2015 04:25 مساءً المشرف عادل غربي الجزاع :
    صح لسانك يا ابو عبدالله
  • #4
    02-11-2015 08:47 مساءً غايب عبدالله آل عجي :
    صح بدنك اخوي علي وشكراً على توضيح المفردات
    وإذا كان توضيحك على صواب فأنا ارشحك إلى

    لجنة شاعر المعنى ولا هنت اخوي علي

    غايب عبدالله ال عجي..
  • #5
    02-11-2015 08:54 مساءً غايب عبدالله آل عجي :
    صح بدنك اخوي ("مُعجب")
    وتسلم وهذا من ذوقك طال عمرك

    جمل الله حالـــك ولا هنت

    غايب عبدالله العجي..
  • #6
    02-11-2015 08:57 مساءً غايب عبدالله آل عجي :
    صح بدنك اخوي عادل
    وجمل الله حالك تسلم اخوي عادل ..

    غايب عبدالله ال عحي
  • #7
    02-12-2015 08:17 مساءً ابولينان :
    بسم الله الرحمن الرحيم
    ماشاء الله
    ويش هاالابيات الجميله انت رائع يابو عبدالله كم شعري دفين
    طلع الدفين لبي قلبك ابيات جزله رائعه وجميله شاعر جزل
    الله يذكرك بالخير ويمدك بالصحه وطوله العمر لاشفت لك صوره
    تذكرت هالابيات الجميله وتستاهل يالغالي

    ياناس عذبني هذاك الزين ياناس قولوا لي شسويله
    أبي الصبر مارالصبر من وين بالله مالي بالصبر حيله
    بعض العرب لو غاب له عامين ماتفقده ولا توصيله
    وبعض العرب لو غاب له يومين يا كنها خمسة عشر ليله
    الود ودي ما يغيب شوين وعن الوطى بعيوني اشيله
    ولو ما حصلي غير نظرة عين عده حضن قلبي بمنديله
    أفرح إليا شفت العرب لاهين لاجل اتغافلهم واراعيله

    ارجو ان تنول اعجابك دمت بخير ابولينان