قصيده بمناسبة أحتفال المسعر بالكويت

لا من دعــاني طيب الســاس لبيت =وياجب علي وصله بحـــق الاجابه
ويبشر وانا لداره وربعـه تعنيت =ومثلك يابو فـارس يشـرف جنابه
ولا من مسافه عـدك اليوم ياكويت=عن حايل عـدك عنه بعـــد طابه
دام الغلا موجــــود ماقيل صديت=وحتى المسـافه مانحسـب حسـابه
لمثلكــــم جاهز أنا بكل توقيت =واحرص على وصل الاهـل والقرابه
وانتم لكـم بالقلب لو قلت خبيت=مكانة دايــم شعــــوري هذابه
أعتز فيكم يا خــوالي هل البيت =والماضي الحاضــر يبرهن جوابه
تاريخ سجــــل والفعايل ثوابيت =فعايــل تخبـــر وكـــل حكابه
واليوم جددتوا علـــوم لها صيت =وفزتوا بعلــم غانــم يقتدابه
ربعي وانا افخر دام للشعر خطيت=ويحق لي والسيــف جــود نصابه
على المعزه والفعــايل بني بيت=يشوفه الطرقي بعـــالي هضـابه
ساس مجــــود جـــوده شايب ميت=وحي بذكــــره من نشد ماغدابه
مسعر عسى جنان النعايم له البيت =أخو هيــا لا قيــل علمه زهابه
والحمد لله مارثــــة راعي الصيت=مشـوا على نهجــه بلطف وحبابه
عفيت خـــوالي كل ماقلت وابديت =شرفكــم الله ياعــــزاز القرابه
وصلاة ربي عــــد ما حــج للبيت=على الرسول المصطفى والصحـابه