الشاعر نافع آل عجي

الرئيسية ملتقى عشيرة العجي/ جوال العجي/ ابقيق :

ملتقى عشيرة العجي/ جوال العجي/ ابقيق :

  • مناسبة عشاء نافع بن محيا آل عجي على شرف بعض رجالات عنزه

    مناسبة عشاء نافع بن محيا آل عجي على شرف بعض رجالات عنزه

    ملتقى آل عجي – اللجنة الإعلامية :

    أقام

    نافع بن محيا آل عجي

    مناسبة عشاء مساء الجمعة 27 – 12 – 1444 هـ
    في منزله بالحفير
    على شرف بعض رجالات عنزه
    يتقدمهم

    الشيخ سعود بن طلب العنزي
    الشيخ فايز بن معزي العنزي
    الشاعر سالم بن محمد العنزي
    الشاعر غنــام عوض الحبلاني
    يوسف الخميش
    كساب صالح العنزي
    فجر الادهم العنزي
    عبدالكريم دغيم العنزي
    خالد بن سعود العنزي
    خالد بن فايز العنزي
    صالح بن كساب العنزي
    سعود بن سالم الشميلي

    وقد أقيمت عدد من الشبات قبل وبعد مناسبة العشاء
    قبل العشاء

    – عبيد ضيف الله الدبلان
    – سليمان عبدالله العامر
    – مرضي متروك السرعوفي

    بعد العشاء

    – محمد حمدان المخلف وإخوانه

    وإليكم الصور:

    شبة سليمان عبدالله العامر
    شبة مرضي متروك السرعوفي
    شبة محمد حمدان المخلف واخوانه
    شبة عبيد ضيف الله الدبلان
    صور مناسبة عشاء نافع محيا آل عجي
  • الشاعر نافع بن محيا آل عجي يجري عملية جراحية تكللت بالنجاح

    الشاعر نافع بن محيا آل عجي يجري عملية جراحية تكللت بالنجاح

    أجرى

    الشاعر نافع بن محيا آل عجي

    عملية جراحيه في أوتار ألكتف الأيسر، تكللت بالنجاح ولله الحمد بالنجاح، وكان ذلك في مستشفى الأمير متعب بن عبدالعزيز بالجوف على يد الدكتور المميز

    صقر الرويلي

    يوم الأربعاء الماضي الموافق 26-7-1445هـ .

    الحمد لله على السلامة أبو فيصل وطهور إن شاء الله تعالى

  • الجمعية السعودية للمحافظة على التراث تكّرم الشاعر نافع محيا آل عجي

    الجمعية السعودية للمحافظة على التراث تكّرم الشاعر نافع محيا آل عجي

    حصل الشاعر

    نافع محيا آل عجي

    على شهادة شكر وتقدير من الجمعية السعودية للمحافظة على التراث، وذلك نظير مشاركته ومساهمته الكريمة ضمن ورشة العمل التعريفية لترشيح ملف الشعر النبطي على القائمة التمثيلية للتراث الثقافي غير المادي لدى منظمة الأمم المتحدة للتربية والثقافة والعلوم (اليونسكو)ز

    جاء ذلك خلال ورشة العمل التي أقيمت بحضور كوكبة من الشعراء والشاعرات بمنطقة حائل ، بفندق الميلينيوم بجامعة حائل، بتاريخ15 – 6 – 1445 هـ الموافق 7 – 1 – 2024 م .

    وثمنت الجمعية جهود الشاعر “نافع آل عجي” القيمة في حفظ وتوثيق التراث والسعي لإحيائه ونقله للأجيال القادمة، متمنين له مزيدا من التقدم والنجاح والاستمرار ف هذا العطاء.

  • يا راكب اللي تحدر من جبل حايل / للشاعر خالد المشيط

    يا راكب اللي تحدر من جبل حايل / للشاعر خالد المشيط

    يا راكب اللي تحدر من جبل حايل=و اقفى ينش الهوى بحروف صدامه

    هاف على وردته ماقال به قايل=يا فترّ ويله طوى ماكان قدامه

    اقفى مع العصر يتلي ظله الزايل=يطرخ انبيره على اخر شي بارقامه

    يا طال سيره تهيض فعله الهايل=يطوي بعيد المظامي طوية الخامه

    متنحر ديرة به منبع الآيل=تلقى البواخر بجاله تطرخ اعلامه

    يلفي للي عادة له يسطم العايل=ريف القرايب وغش الضد وهيامه

    اخو لنا خوته ما سود الفايل=رام المعالي وأعز الجمع بقيامه

    يا ما صبر وانجبر للعدل والمايل=ولو شاف زلاتنا غطاه باحلامه

    ناصر عسى عمر ناصر بالسعد طايل=الله يديمه لنا ويمهّل ايامه

    يفداه من عن طريق العايلة عايل=حق الابو والاخو ما حسّب اقيامه

    ياصل بماله بعيد الناس ويخايل=ويبخل بماله على عانيه وارحامه

    وكم واحد يزعم انه للشرف نايل=والناس تاراه عدلٍ خِيْش بخمامه

  • البارحة يوم الكواكب تدله / الشاعر سليمان المشيط (رحمه الله )

    البارحة يوم الكواكب تدله / الشاعر سليمان المشيط (رحمه الله )

    البارحة يوم الكواكب تدله = قعدت اجاوب بالونين الحمامه
    مثل الشفيق اللي فقد غاليله = تقطعت عنه الخبار وعلامه
    لا وا هني بيض النجوم المطله = تشرف على الدنيا وتاصل مرامه
    ما حاط به موج البحور المظله= يم الخليج بجزرة تقل شامه
    وش يجمع اللي يم حايل محله = للي من القلعة لسوق المنامه
    يا راكب اللي مركبه ما تمله= يا شغل الايسي وصك اللجامه
    حرك عليها من محله وشله = يا ما غدت فوق البحر تقل خامه
    مابه خذا السايق واللي مردفله = ملاح ومساعد يترجم كلامه
    متنحر غربي مطار يدله = وليا ظهر له خشم اجا الضلع حامه
    تلفي للي يفرح بللي عانيله = اللي من العادة يحوش الكرامه
    قرم الى عادى عدو يخله = وليا صدق هو ساس راس القرامه
    اعطوه ما لفا يديي يفله = تحية مني تخص احترامه
    الف مع الف لابن مرزوق كله = والف على الديرة عموم سلامه
    يا حمود يا ريف الهجافا المذله = ترني بوجهك عن معيل مقامه
    وسلم على عذب السجايا وقله = لا يحسب ان البعد يجلى غرامه
    كانه على خبري فانا خادم له = اطوع من العبد المليك لعمامه
    وان راودة غيري فانا سامح له = الله يحله عد ذاري رمامه
    يا ما دمحلي بالخفا كل زله = ياشاف ذنبي واجهن ببتسامه

  • جدول أعياد اهالي المنطقة الشرقية لعام 1430هـ

    جدول أعياد اهالي المنطقة الشرقية لعام 1430هـ

    [ALIGN=CENTER]بسم الله الرحمن الرحيم

    بقيق موقع العجي أبو خالد

    الحمد لله الذي أعاد علينا عيد هذا العام .. ونتمنى أن يكون الجميع بصحة وعافية .. وأن يحفظ الله بلادنا من كل مكروه .. وبهذه المناسبة الغالية على قلوبنا كمسلمين نحب نهنئ أهلنا في جميع إنحاء البلاد وخارجها

    وكذلك نحب أن نضع بين أيديكم جدول أعياد عيد الأضحى المبارك لهذا العام 1430هــ لأهالي المنطقة الشرقية وهي في هذا الموسم مقسمة إلى قسمين قسم في استراحة الكدادية والقسم الآخر في مخيم العجي على طريق بقيق الرياض .. للمعلومة فقط .. ونتمنى ممن لديه الفرصة لتشريفنا ومشاركتنا في هذه المناسبة فالمكان مكانه ولأهل أهله فمرحباً إلف،، للاستفسار يرجى الاتصال أو إرسال رسالة لإحدى الأرقام التالية

    خليف الجالي على جوال 0505860134
    سند المحمـــد على جوال 0505862315
    نايف المحـمد على جوال 0505928364
    وسوف يكون الجدول كالأتي

    ————————————-

    أول عيد الجمعة :: غداء
    الموقع ( استراحة الكدادية )

    ————————————-
    1- دغيم الحـطاب
    2- راضي الجزاع
    3- سـند الحطاب
    4- محـمد العبد الله
    ————————————

    أول عيد الجمعة :: عشـاء
    الموقع ( استراحة الكدادية )

    ———————————–

    1- هليل الحطـاب
    2- خـليف الجالي
    3- حـواس النـهار

    ———————————

    ثاني عيد السبت :: غداء
    الموقع ( استراحة الكدادية )

    ———————————
    1- صالح القبلان
    2- عويد القبلان
    3- عواد المجاهد
    4- عبيد السعود
    5- مطير الصويلح
    ——————————–

    ثاني عيد السبت :: عشاء
    الموقع ( استراحة الكدادية)

    ——————————–
    1- عطاالله الموكا
    2- خليف المجاهد
    3- عايد السعود
    4- سالم العبيد
    ——————————-

    ثالث عيد الأحد ::
    غداء الموقع ( مخيم العجي )

    ——————————-
    1- سليمان العبد الله
    2- فهد العـــــــلي
    3- عقاب المحمد
    4- غديـر الطليحان
    ——————————

    ثالث عيد الأحد :: عشاء
    الموقع ( استراحة الكدادية)

    —————————–
    1- محمد الســراي
    2- مزيد غافل بن مسطح
    3- سعود الســراي
    4-بندر الســعود
    5- نايـف المحمد
    6- فهد الخلــــف
    ________________

    رابع عيد الاثنين غداء
    الموقع ( مخيم العجي )

    —————————
    1- عطالله الفهيد
    2- عنيزان الحمدان

    **
    [COLOR=red]**
    ملاحظة ( عيد وتمايم

    )[/COLOR]
    _______________
    هذا وكل عام وانتم بخير..[/ALIGN]

  • امطار على الحفير مساء هذا اليوم

    امطار على الحفير مساء هذا اليوم

    موقع عشيرة ال عجي – خاص :

    هطلت امطار خفيفه الى متوسطة بعد مغرب هذا اليوم على قرية الحفير . كما هطلت امطار متفرقة على مدينة حائل وضواحيها .
    كما شملت الامطار القرى الغربية من مدينة حائل مثل موقق ودليهان والشملي والقرى القريبة منها .جعلها الله سقيا رحمه وعم بنفعها ارجا البلاد .

  • مران خبرني باللي شفت و اوحيت / الشاعر خالد المشيط

    مران خبرني باللي شفت و اوحيت / الشاعر خالد المشيط

    مران خبرني باللي شفت و اوحيت=أي التحضري يالخو و البداوة

    لا عاد انا من مسكن الدار كليت=وقمت أتذكر منزل بالنباوة

    وهقيت يا مضنون عيني وظنيت=ان البداوة يابو الادهم نقاوة

    حيثك ليا من شفت ما عفت شديت=وبعدك عن اللي ما يودك طراوه

    ودار التحضري كنها حفرة الميت=تسقيك من غبن القريب اللعاوه

    ولازم تصير امغاضبن لو تدريت=وتصير عدوٌ وانت ما بك عداوه

    وتجيك ناس تنخت الشين تنخيت=ويلقون شي ما لقته القطاوه

    وعلومهم عوج طوال سمارميت=ولو جيتهم معك الذهب صار ماوه

    الله على ياخوك من شيد البيت=في منزل به للجوازي حراوه

    وعندي من الربع المسمَّين ما غليت=اللي يخلطون الصخا للقساوه

    يا جيتهم لو انت عجل تلهيت=تلقى مجالسهم جمال و حلاوه

    وتسمع دنين انجورهم له زغاريت=مثل السباع الجايعة يا تعاوه

    وركابهم تلقى شحمهن ذعاويت=من كثر ما داجن بربع الدواوه

  • من فروع شركة موبايلي الى الادارة عبدالله العلي الفهيد الف مبروك

    من فروع شركة موبايلي الى الادارة عبدالله العلي الفهيد الف مبروك

    موقع عشيرة ال عجي – ابوفيصل :

    الشاب عبدالله العلي الفهيد الطعيميس تم ترقيته للعمل في ادارة شركة موبايلي هذا اليوم23/11/2009م بعد ان كان في احدى فروع الشركة بالرياض .

    ويعتبر الشاب عبدالله من الشباب المميزين والمجتهدين في عملهم وما هذه الترقيه الى مكان افضل الا دليل على تميزه واجتهاده في عمله .

    تمنياتنا له بالتوفيق في عمله الجديد .

  • نحمد اللي بدل الحال من حال بحال/ للشاعر خالد المشيط

    نحمد اللي بدل الحال من حال بحال/ للشاعر خالد المشيط

    قصيده للشاعر خالد المشيط في الحفل المقام بقرية الحفير بمناسبة تقاعد الاخ ناصر العلي

    نحمد اللي بدل الحال من حال بحال=وعاد للنفس العزيزة وريَّح بالها

    إبتدل عصر الجهل والتجاهل باعتدال=و إجتمع شمل القبيلة وفض أشكالها

    و إعتدل جو الصراحة على حسن المثال=وصارت الديرة فخورة بطيب رجالها

    ومن بعد هذا نقدم تحيات جلال=من قلوب صافية وافية باقوالها

    للعزيز اللي مقامه كمال في كمال=موقفه تاج على روسنا يزهالها

    أعني المذكور ناصر عسى أيامه طوال=العضيد اللّي ثقيل الحمول أشتالها

    صاحب الفزعات والجاه صدَاق المقال=وعند ساعات الشدايد تسر أفعالها

    بالقريب وبالبعيدين له دور يقال=ماضيٍ بالناس طيبه وطيب أعمالها

    وكم وقف وقفات عزٍ توارت بالجمال=نال به مرقاب عز ينوط وصالها

    ما يناله كود رجل قوي الإحتمال=والكسول يتابع الهون ما يقوى لها

    وينتمي ناصر لربع بهم طيب و عدال=وخوّةٍ بالوقت هذا قليل أمثالها

    أبي أشيد بمجدهم فوق ما علاَ وطال=ناصرٍ وأخوان ناصر وثمّ عيالها

    يا عسى بهم الكفا والوفا في كل حال=حيثهم ذخر لنا عند ما نلجا لها

    وساسهم من ذروة المجد عمَان وخوال=انشد التاريخ ينبيك عن تفصالها

    وفايزين عن أكثر الناس من عدة خصال=الشجاعة و الصخا والكرم من مالها

    ومن كبار أولاد الازمل ليا حل المجال=لابة عند اللوازم تطول إحبالها

    يوم صولات البوادي حماهم ما يطال=كنَهم مزن تردم يريب خيالها

    يا زمى جمع المعادي زموا مثل الجبال=وعوَد الباغي بخوفه وخيبة فالها

    يا خذون الحق بالعق يا حل الجدال=وتختـلط عقالها مع وسط جهالها

    وجارهم لو جار ما عاد يحسب له خمال=حاكم في طبعهم قدرها وجلالها

    والخوي يميزونه بتقدير و نفال=وحشـمة بيـن الملا وافي مكيالها

    وصبرهم عند البلاوي مثل صبر الجمال=الضعيف وبارد العزم ما يبرى لها

    وشيخهم شيخ القبيلة ولا عنه إعتزال=شيخ سبع جموع بالوانها وأشكالها

    نفتخر باسمه وذكراه معنا لا تزال=وعالي قدره وقدر العزاز أنجالها

    حيثهم راس القيادة بجولات القتال=يوم عركات تروع القلوب أهوالها

    لين جاء الحكم السعودي وغيَر به و ازال=بدَّله بالأمن والخوف عنه أزالها

    و حكَّم الشَّرع المطهر على كل العمال=وصكت الابواب دون الجهل بأقفالها
    وختمـها مني سـلام عدد طـش الخيـال=للحضور و صاحب الحفل اللي جينا لها

  • شرف الدار عبد الله وطاب الوفاق/ للشاعر خالد المشيط

    شرف الدار عبد الله وطاب الوفاق/ للشاعر خالد المشيط

    قصيده للشاعر خالد المشيط بمناسبة زيارة خادم الحرمين الشريفين عبدالله بن عبدالعزيز ال سعود لمنطقة حائل

    شرف الدار عبد الله وطاب الوفاق=ورزَّت أفراح حائل في عزيز لفا

    مرحبا بك عدد رمل النفود الدقاق=أو عدد ما تهز النود قشع الشفا

    أو عدد ما غشى الليل الروابي وساق=عن عبير الصباح اللي نهاره ضفا

    أبدع القاف من حب وزود إشتياق=في محياك يا راع الصخا والوفا

    حبنا لك صريح ما يخلطه نفاق=مثل نقش الكتابه فوق صم الصفا

    نبدع الشعر في مدحك بوجه طلاق=ونعتبر كل ما قلناه بكم ماكفا

    حيثك أنت المليك اللي بك المدح لاق=و أبو من لا له أب وكافل الضعفا

    و أنت تصغي براسك للضعيف الهقاق=وتعطي المال عطف من ضمير صفا

    وأنت عبد الله المعروف بدر الأفاق=وأنت ذخر العروبة كان يبس الشفا

    إلي حصل فيه يوم مثل يوم العراق=تزبن الناس جانبكم وبكم الكفا

    كل الأقطار تشكركم على أوسع نطاق=ولا على الناس منكم يا أبو متعب خفا

    أنتم أهل السياسه والظفر والوفاق=وأنتم أهل المروة والعطا والعفا

    للمصاحب عسل سيَّال حلو المذاق=وللمعادي جحيم ضوها ما طفا

    وأنتم أبطال نجد وبطشكم ما يطاق=ومن جفاكم يباشره الجفا والهفا

    وأنتم أهل السيوف اللي تقص العناق=عند هدي الكتاب وسنة المصطفا

    وحكمكم ورث جدان مهو باتفاق=ولا بطرق انتخاب ولا بعون حلفا

    بالسيوف البوارق مرسلات الشعاق=مطوعات العنيد الطاغي المرجفا

    نفتخر باسمكم يا طيبين العماق=وأنتم أهل القيادة بالعلن والخفا

    فات خمسين مع خمسين عام طباق=تنعم المملكه بأمن و أمان ودفا

    والمسافر يسافر ما يلاقي ضياق=كن معه العيون الساهرة تشرفا

    ما فقدنا المؤسس حين حل الفراق=حيث قاموا مقامه بالمكان خلفا

    قادوا الشعب من عز لعز يراق=يوم بعض الشعوب تقاد للموسفا

    نطلب الله يعزك يا بعيد المهاق=ويحفظ الله ولي عهدك عضيد الوفا

    ويجعل الشر عنكم ينتحي بالفراق=ويجعل النصر صاحبكم بعز وعفا

  • عديت يا متعب طويل تعلى / للشاعر خالد المشيط

    عديت يا متعب طويل تعلى / للشاعر خالد المشيط

    قصيده غزليه للشاعر خالد المشيط يسندها للشيخ متعب بن درزي العردان

    عديت يا متعب طويل تعلى=طعس على الدار البعيدة مويقي

    قعدت في راس الطويل اتحلى=ابي اتفضى وزاد صدري بضيقي

    وطبيت كن الكبد به شوك سلا=والدمع حرق بالعيون اتحريقي

    على حبيب بالمحبة تغلى=مر معاديني ومر صديقي

    يا شاف بي غيض ضحك واسفهلا=وليا بغيت الوصل سد الطريقي

    علمي بهم باول رجب حين هلا=جاني على جال المحيط الغميقي

    و اقفيت واقفى ما دري وين ولى=و انا على شوفة قباله شفيقي

    الصاحب اللي للضماير يتلا=تل الغروب الصادرة من غريقي

    عليه روحي طرّفة مابقى الا=سلك مثل سلك الاباري دقيقي

    ابو فليل فوق ردفه تدلى=ذيل العبية عقب رد الوسيقي

    والعين عين اللي بالاقفار فلى=خشف من العفر الادامي طفيقي

    والنهد توه بالحشا مستقلا=والخد يشبه للجنيه العتيقي

    يا بو شقا حار القدم بي وزلا=واخاف يرميني بدو سحيقي

    اطلب عسى المجمول مهو بحلا=اللى دعى صندوق قلبي خريقي

  • يالله ياللي فزعتك تبهج البال / الشاعر خالد المشيط

    يالله ياللي فزعتك تبهج البال / الشاعر خالد المشيط

    يا لله يا اللَّي فزعتك تبهج البال=ياللي ليا من ردت عسر تناله

    يا رب موسى يا مصدّق لما قال=ياللي دعاك ايوب وأشفيت حاله

    وأخرجت يونس عقب ما قاس الأهوال=من حوت وبحور تلاطم زلاله

    انت الرقيب اللَّي بخيص بالأحوال=وعليك عقد إحبالنا و إنحلاله

    تكتب لنا من خير ماشيت منزال=وتجعل لنا من حبل جودك وصاله

    و تفكنا من ميلة الدهر يا مال=ومن غارة الدنيا وخافي لياله

    دنياك غاراته بهن دق و إجلال=غدَّارة ما يامن الحذر جاله

    تزين يوم و الصواديف عَمَّال=وتدور مثل الشمس تتلي ظلاله

    كم فرقت ناس وكم ضيعت مال=من دور نوح ما تعدد فعاله

    هذا وانا منها مروع و ذلال=اخاف من حيلاتها وإحتياله

    يا ليت لو تعطينا الايام بمهال=والقلب يسكن عن هواجيس باله

    اللَّه من قلب من الهم مشتال=شيل الجمال اللي ثقال حماله

    والله يا لولا الصبر لاسير بهبال=وامشي كما المذِهب واسال بسواله

    من واهج بين المعاليق يجتال=كنَّه على جمر يزيد إشتعاله

    واللي بالي يا بو ممدوح ما ظال=علت الطريق و عيلة البيت عاله

    زعمت ثري الزعم راعيه فشال=يصبح كما الساري بداجي لياله

    واللي ارضعتنا الديد حولين بأكمال=حق برفقتنا يطيب الهوى له

    كيف اتركه لاعند عم ولا خال=يمضي شهر ما دري عن اللي جراله

    وان قيل ذا حق فانا اقول بطال=عند الجليل و من يحب الجلاله

    الوالدين حقوقهم كبر الأجبال=ومن باعهم بالغير وا عزتا له

    وراه من يمهل ولا يهمل اهمال=لا بد ما يجزاه باشين عماله

    والدار ما تنهض بلا مال ورجال=نهضه وعزَّه من معزة رجاله

    ولو ان قلبي يشدهي درب الانذال=كان استهنت النفس و ادنات ماله

    أحط له بين الحبيبات مقيال=و أقول ضحك الناس ما ني بحاله

    لا كن قلبي ياملا فيه ولوال=يهوم هوم اللي بعيد محاله

    كنَّه بشمس والمخاليق بظلال=والنَّاس ما تدري عن اللي طراله

    يا داير العليا تره صبر و إجزال=تصعب على اللي شوفته قدّ حاله

    وعمر يمضى ما درك النعم لاطال=اطلب عسى المولى يعجل زواله

    تمت وصلوا عدّ ما هل همَّال=او ما لمع برق و سوَّد خِيَاله