الشاعر نافع آل عجي

الرئيسية شعراء آل عجي الشاعر نافع بن محيا الحسيان قصيدة الشاعر نافع المحيا الحسيان في حفل ال عجي1431هـ

قصيدة الشاعر نافع المحيا الحسيان في حفل ال عجي1431هـ

Written by

admin

in

قال بن محيا من حسينات الاشعار= هرجٍ يخاطبه عقول فهيمه
سلام مني يا أهل الطيب والكار= ومساكم الله يالرجال الحشيمه
وأهلاً هلا باللي لهم كل مقدار=ربعٍ وحاظرهم يشرف قديمه
ياربعنا ياللي على الجمع حضار=حياكم الله يالرجال الكريمه
أهلاً هلا فيكم كبيرين وصغار=وحياكم الله عد هتال ديمه
نفرح لجمعاكم ونسعد له امرار=ودرب الجماعه وامتثاله غنيمه
الجمع عز وعين عمار للنار= ومن دور البلشات يلقى الوخيمه
الله يجمعكم على خير الاذكار= والله يوفق للنوايا السليمه
عندي نصيحه يابعيدين الانظار=ابهديه هدواً عساه غنيمه
طاعة ولي العرش علام الاسرار=تكسب بها ثنتين والله عليمه
الاوله جنت عدن وانت دوار=تبحث عن الجنه ونفسك حميمه
والثانيه قدرك من الناس تذكار=عند الخلايق صار لك الف قديمه
ولوالديك صرلهم وافي بار=وطوع لهم نفسك وخله حميمه
ترى عواقبها وتذكر بالاخبار=من جد جد وللخسيس الهزيمه
والطيب عز ولردي حفنت غبار= ام الكرم طبع الرجال الكريمه
ابذل ترى ماينعرف وين الاعمار=ياكم ميتً اتبعوه الشتيمه
والصبر عزواجعله كنز الاسرار= تسمو بها ذيك النفوس الحكيمه
وسكر اذانك عن حكي كل ثرثار= اللي سعى بين البشر بالنميمه
ولا تبتلش بالناس قاعد ومرار= افطن لروحك واعتبرها غنيمه
هذا وصلو عد ماهمال الامطار=على الرسول اعداد ماهل ديمه

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

More posts