[ALIGN=CENTER]موقع عشيرة ال عجي / الكويت :
هذه قصيده قالها الشاعر/ ابو فيصل نافع المحياء بمناسبة حفل عشاء ديوان المسعر[/ALIGN]
لبيت انا الدعوه غلا مدري اعجاب = وتبي الصحيح لكلهن جيت عاني
بشاركك ياتاج راسي والأقراب=واسعد بلقياكم واسوق التهاني
فعلت فعل ٍ مِنّه الغير مرتاب=ونطيت رجمٍ عالي له مكاني
جمعت ربعك والرفاقة والأحباب=الفعل خير والمكاسب حساني
الطيب ساسك وانت للدرب قضّاب=ودربك على وضح النقاء والبياني
على مدار العام ماسكر الباب=وامقلط للضيف حدب الصياني
من شمر والا قريبين واغراب=يعنى لبيتك ياكريم المعاني
ومعك رجال بالمصاعب والأنشاب=اخوانك اللي باللوازم تباني
ومعهم قريبين السعد عز الأصحاب=خيرة رجال يشرفون المكاني
عمامك المسعر مع باقِ الأقراب=الكل منهم له مع الطيب شاني
وريت مسعر لاوصل حزم كلاب=والله ونعم ومدحهم ماخفاني
ياحمد شعري والتحايا والأطياب=وبك الفخر ياطيب الذكر حاني
وارجوا السموحه يابعد كل الأحباب=وشكراً جزيلاً في ختام المعاني
اترك تعليقاً