موقع عشيرة ال عجي / ابوفيصل :
يلي تبي يم الإحساء مر أبو زيد = بالله انك تأصله يم داره
يما بنا للطيب من دون تحديد =رجلً يسوى من الدراهم عماره
فله حجاجه لنشاما كما العيد = وليا لفيته مجلسك بالصداره
هليل يهلي ما يصدد تصاد يد= ما حسب بذل المال ويالخساره
ناسً مصادير وناسً مواريد= مفتوح بابه ما يغير مساره
من أولاد الأزمل نافلين التحاميد= ربع على الطولات بها نماره
تفداه ناسً ما تعرف المناقيد= كبار النفوس فعلها به حقاره
هذا وصلوا عد ماحج بالعيد= على النبي الهاشمي في دياره
وأرجو من مشرفي الموقع الأعزاء أن يضعوا ردي مباشرة
تحت قصيدة الشاعر الكبير محسن شديد الشمري دون
إن يفصل بين القصيدتين أي رد من الأعضاء الكرام ..
ودمتم بود ..
ياللي من الخــبر شــرفت أبو زيــد=ومن صــرح بيت للنشــامى ســفاره
يــامرحــبــا ترحــيبة العــبد بالــعيد=وعــداد ماســار الفلــك فــي مــداره
هــلا بــك ونــجــدد العــهد تجــديــد=عهــد الرجــال اللي يســرك وقــاره
وليــا تقهويت مــن هــيل البغــاديــد=وقلطت على فطــاحٍ عـراض فقــاره
وســاقوا بخــور الضيف للود تأكــيد=ونــويت الــوداع في خــتام الزياره
خــذ الكلام اللي بــدأ مطلــق القــيد=أوجــزت مضمونه بصــدق العباره
عــنوانه بن درويـش شــبل الأواليد=للطيب محسن بنــأ طــول المنــاره
قـبله أبوه معطي العطاء للأجــاويد=حــمَّــل جمــال مــن مــره وزاره
يشــهد له التاريخ حــاضر مع بعــيد=عــلى زمــان البــاديه والحــضــاره
وصلاة ربي عــد ما أخصرت البيد=عــلــى رســــول الله راع البشــــاره
[B
اترك تعليقاً