موقع عشيرة ال عجي / مقابلات :
الناس في الزمان الاول كانوا يتحملون الصيام وكان صعب حيث ان الواحد يروح مع بعارينه او غنمه من الصباح وحتى الفطور ولكنهم يتحملون بالحيل
في هاكزمان مافيه غير اللبن او الحليب يتسحون ويفطرون عليه وبعض الناس عندهم تمر يجاب من العراق مع الحدرات وكان قليل ويخلص بسرعة . لكن الاعتماد على الله ثم اللبن والحليب .
الناس اول ماهم كثير مثل هالحين وتجدهم جيران خمس ست بيوت ويكون واحد منهم يصير كبيرهم يصلون عنده أغلب الاوقات وخاصة صلاة الفجر واذا شاهدوا الهلال صار بكرا عيد وكل واحد يجيب عيده عند كبيرهم أو يحطونه في مكان بالوسط بين البيوت ويقلطون عليه وحتى الحريم ما يحصل لهن شين لانه يوكل كله واذا الناس حول مورد ماء أو قرب هجرة يصير فيه مطوع (خطيب) يصلي بهم صلاة العيد ويجاب الطعام عند المسجد
أفهم من كلامك ان البدو ربما لايصلون العيد ؟
اذا فيه أحد يعرف يصلي وقاري يصلي بهم واذا مافيه أحد يصلون الفجر بس , لكن أغلب الناس أذا شافوا الهلال يركبون بعارين ويروحون لاقرب ديرة فيه صلاة عيد .
يحطون تمن يجاب من العراق او قشدة معها تمر أو عصيدة ومثل هالون .
الشباب طلعوا على دور حنا ماطلعنا عليه وانصحهم انهم يقدرون نعمة الامن ونعمة توفر الرزق والاطعمة وكل اللي يبونه وانهم يحافضون على الدين وعلى هالنعمة والامن اللي يعيشونها .
اترك تعليقاً