admin

حصل الشاعر

على شهادة شكر وتقدير من الجمعية السعودية للمحافظة على التراث، وذلك نظير مشاركته ومساهمته الكريمة ضمن ورشة العمل التعريفية لترشيح ملف الشعر النبطي على القائمة التمثيلية للتراث الثقافي غير المادي لدى منظمة الأمم المتحدة للتربية والثقافة والعلوم (اليونسكو)ز

جاء ذلك خلال ورشة العمل التي أقيمت بحضور كوكبة من الشعراء والشاعرات بمنطقة حائل ، بفندق الميلينيوم بجامعة حائل، بتاريخ15 – 6 – 1445 هـ الموافق 7 – 1 – 2024 م .

وثمنت الجمعية جهود الشاعر “نافع آل عجي” القيمة في حفظ وتوثيق التراث والسعي لإحيائه ونقله للأجيال القادمة، متمنين له مزيدا من التقدم والنجاح والاستمرار ف هذا العطاء.

ياويش رجلا بالخطر فزعته غير
ليا قلة الحيلات بالعمر يفداك
يبيع عمره دون عمرك عسى خير
ويموت لا منه فزع لك ولاقاك

انشدك عن رجل (ن) شبيه (ن) عياله
تظرب به الأمثال من ماض الازمان
رجل كريه ومخمل (ن) له خماله
ورغم خماله يقتدي فيه الانسان

انشدك عن رجل تحبه وتنصاه
ويشفي غليلك عن رجاجيل غيره
ان رحت عنه ًبكل لحظه تمناه
وان جيت رحبك بنفس(ن) يسيّره
منه استفدنا والفوايد ثميناه
رجل كريم وبالكرم له مسيره

ويش البنات الفاتنات المداوير
جابن بعيد الدار وإلا بعدنه
مسكانهن. وسط البحور المغاوير
والموت يقفاهن ليا جنبنه

ياويش بنت له فعول عجيبات
جسمه صغير بحجمها نضرته
اسمه وفعله يالسنافي شبيهات
وقت الخطاء تبين لك يا طلبته

انشدك عن رجل سكن وسط غبه
ولايا صله يا كود رجل يدله
ومن الخطاء ناس كثيره تكبه
ومن يفقده ما رجعه في محله

ياويش بنت اسمها من فعوله
تدي علوم من بعيد وتجيبه
دايم على متن السحاب محموله
ما مونتن بالسر دربه تصيبه

انشدك عن رجل منافيعه اكثار
وخص ليا منه تعدى حدوده
له وقفت ما ياقفه كود الاخيار
ويفرع معك لأمن تحرر قيوده
مشيه سريع ويقطع البر وابحار
حلال عسرات لغيره تكوده

انشدك عن خمسة رجال مشاكيل
في موقع كل يعرفه وياطاه
تفاختو بطوالهم والتفاصيل
ومن قابلك منهم لزوم تنصاه
يكفيك عن غيره ولافيه تقليل
وفي رجعتك حتى المعزب تعداه

ياويش بنت(ن) بالفوايد عظيمه
تحتاجها ناس (ن) كثيره على الدوم
تركب على رجل (ن)علومه حشيمه
ولو غيرها قرب لحق نفسه الزوم