خطب من جامع الأميرة العنود بحائل

حصل الشاعر

على شهادة شكر وتقدير من الجمعية السعودية للمحافظة على التراث، وذلك نظير مشاركته ومساهمته الكريمة ضمن ورشة العمل التعريفية لترشيح ملف الشعر النبطي على القائمة التمثيلية للتراث الثقافي غير المادي لدى منظمة الأمم المتحدة للتربية والثقافة والعلوم (اليونسكو)ز

جاء ذلك خلال ورشة العمل التي أقيمت بحضور كوكبة من الشعراء والشاعرات بمنطقة حائل ، بفندق الميلينيوم بجامعة حائل، بتاريخ15 – 6 – 1445 هـ الموافق 7 – 1 – 2024 م .

وثمنت الجمعية جهود الشاعر “نافع آل عجي” القيمة في حفظ وتوثيق التراث والسعي لإحيائه ونقله للأجيال القادمة، متمنين له مزيدا من التقدم والنجاح والاستمرار ف هذا العطاء.

[ALIGN=CENTER]

هذه الصور من بقيق / والدمام وعذراً التحميل صحته غير جيدة..

[/ALIGN]

موقع عشيرة ال عجي / ابوفيصل :

نطمئن الجميع عن العم عيد بن مخلف الحمدان والذي اجراء في وقت سابق عمليه جراحيه تكللت بالنجاح ولله الحمد والشكر انه يتمتع بالصحة والعافيه .

كمانفيدكم انه يمكث هذه الايام عند بن اخيه مشعان الاسمر المخلف في منطقة الاحساء هو ينتظر موعد يوم الاثنين القادم وكذلكـ موعد مماثل يوم الاثنين مابعد القادم .

امنياتنا له بالصحة والعافيه .

موقع عشيرة ال عجي / اخبار الحفير/ ابوفيصل :

هطلت امطار متفرقة عصر هذا اليوم الخميس 23/12/1430هـ امطار متفرقة على قرية الحفير وضواحيها .

جعلها الله امطار خير وبركة .

[ALIGN=CENTER]
أنا بادي باسم الولي بأول التعبيـــــــــــــــر=كـريم العطاء معطى العطـــــــــاء في معاسيره
الايالولي رحمتك في مأقف التعــــزيـــــــــر=لنا جنــــــــة فيها من الخيـــــر والخيـــره
وأنا يوم كل بالمنـــــــــــــــاوي مناتـــه غير=وخذا راعي الغفـــــــوات نــــــومه وتصفيره
ابي لي عيالٍ بالتواصيف فيهم خير =على درب طبع للنشـــــاما لهـــــم سيـــــره
مواترهم جيـوب حديثات بالتطـــــــــــــوير=صنايــــــع يهـــودٍ للـوعــــر
تـم تصخيــره
نبي ديرة ٍ يعجــــــــز يجيها ياكـــود الطير=يخمه قليل العـــــرف ويضيــــع تفكيـــــره
بها روض عشب يشـرح النفس بالتنــــــوير= مع سوق ديــــــــم فــــرحتنـــــا تباشيـــره
نبي منزل ناطاه قبل الدمـــــاس اعصيــــــر=به نــــــزل العـــزبه ونبــدا بتحضيـــــره
ونبي دلة فيهـــــا من الزعفران اكثيـــــــــر=على مــا يشـــب النـــار يـــــسرع بتبهيره
يحوفه غـــــلام لأحشى مــــــــابه التقصير=يتوقد لهب وجهه على الطيب والغيــــــــره
ضحـــوك حجــــاجـه لا نهمتــه بلا تأخير= على وين مـــــاتبغيه جــــــالك على السيره
وقاموا أثنين من أطيب الربــع بالتــــــدبير=عليهم عشانا ويمهــــم كـــــل تدبيــــــــره
بعــــــــدها جلسنا جلسة كلـــــــهــا تقدير=سوا ليف ومـــزوحٍ على الخيــــــــر تفسيره
تجيك القصايد والسوا ليف شكــــــــله غير=على ضوء نار ٍ يبهــــج الصــــــــــدر تنويره
بها ســـــاعة تسلى ولا يشغلـك تفــــــكير=بعيداٍ عن الصجات ياخــــــــــــــوك والديره
مع ذكـــــــــــــــــر رب
مانسينـاه بالتذكير=به الفرض والتذكير من منهج السيـــــــــره
لك الشكـر والتقـدير والشكــــــــر والتقـدير=على كــــل شي منـــك يارب تـــوفيـــــــره
كتبت القصيده والسمــــــــــوحه عن التقصير=مناتي وكل بالمنــــــــــاوي ذكــــــــر غيـره

[/ALIGN]

[ALIGN=CENTER]قصيدة للشاعر خالد المشيط في حفل مكتب البلدية بالحفير

أعزّك الله يا دارٍ ربينا به=شرقي جبال الخشب والحمر شرقيه

دارٍ عزيزٍ علينا ماه وترابه=وسكَّانه أولاد الأزمل عزوةٍ حيه

يا دار حيي جديع وحيي أصحابه=الريس العام وأعيان البلاديه

هلا عدد ما أشرقت شمسه وما غابه=أو عدّ الأيام مع عدَّة لياليه

بقدوم ربعٍ تحرى الخير بأسبابه=بالقول والفعل والأخلاص والنيه

جونا على دعوةٍ منَّا دعينا به=ولبّوا ندانا لعل العزّ بوتيه

نبدي لهم شكرنا ونقدّر أتعابه=أهل الوفا بالوعد وأهل الشهاميه

يا جديع مثلك كبير الجاه والجابه=من روس قحطان نعم الشخص والفيه

اللابة اللي بوقت الحرب غلاَّبه=ساس العدم والشجاعة والفروسيه

قوم تدوس الخطر ما هي بهيابه=يرهب جموع العدو شوفه وطاريه

اللّي لهم ينتسب يعتزّ بانسابه=حيث إنَّهم منبع الجودة و اهاليه

يا جديع دار تعنيتوا على حسابه=تسّتر بقدومكم سرّ وعلانيه

والدار هي دارنا وانت الموصى به=حيث الثقة بك كبيرة وانت راعيه

مشكور يا صاحب الفزعات والثابه=مواقفك واضحه ما هي بمخفيّه

كم من ضعيفٍ وصلت رشاه وأسقابه=وخلَّيت عنه العنا تبعد مشاحيه

و اظن يا بو نهار الفعل يدرى به=والزين والشين له صفحات مقريه

وحنَّا طلبنا مجمع كان ترضى به=منكم جماله وهي خدمه جماعيه

أسوه باللي مثلنا لبيتوا أطلابه=والأمر منكم وحنَّا له رجاويه

وأسلم عسى نيتك للخير منسابه=ولعل عنكم صدوف الدهر منحيّه

وصلّوا على اللّي بعثه الله بكتابه=أزكي نبيٍ دعى للحق داعيه

[/ALIGN]

[ALIGN=CENTER]
دار يا دار الصخا من على عهد الجدود=درةٍ يوضي جبينه على متن الشمال

غربي الديرع وشرقي جبل طيٍ تعود=في ظلال الحمر و السمر روعات الجمال

في مشارفهن كتابه تحيي بالوفود=وهي شعار أهل الوطن من زمن غبر اللّيال

دار لا تبكين مقرن ولو فقده يكود=اذكريه بخير وادعي عسى أيامه طوال

الأمير اللي رعى الدار و أفنابه جهود=يطلب العليا لحائل على طرق العدال

أمرته عشرين عام تمام أو تزود=ما شكى منه المواطن ولاضاق المجال

وكم فعل من طيبات وحنا له شهود=واعتق أرقاب من الموت في جاه ومال

ولو قباله غاب ذكراه تبقى بالوجود=راسخه بقلوبنا لاتموج ولاتزال

ومن بعد هذا نحيي عوض مقرن سعود=ونرفع الرايات له فوق هامات الجبال

ونبدي الترحيب له من قلوبٍ به تجود=يغمره طيش المحبة بشوق واحتمال

مرحبا عدد حصى نجد ورمال النفود=او عدد ما هبت النود من يم الشمال

أو عدد ماخيّل المزن و ارزمت الرعود=أو عدد ما لوَّح البرق بخشوم الخيال

بالأمير اللي بالأفعال و الراي محمود=تمتثل لامره ونهيه صناديد الرجال

ما خذا الامره شهاده ولا كثرة حشود=وارثه عن أب و أجداد و أعمام وخوال

من حرارٍ في سما نجد طيرانه صعود=يحرسون المملكه عن خبيثين العمال

وحايل ما دمت ياسعود فيها بالوجود=بشاية الله سيرها من كمال الى كمال

حيثك أنت الوالي اللي على أتباعه يجود=ويرحم الحال الضعيفة ولا يحب الميال

وأنت ينبوع النداء وأنت صداق الوعود=وأنت من بيت الشرف والزعامة والجلال

وأنت عنوان الظفر والشجاعة والصمود=وأنت حلال المشاكل وحمال الثقال

وأنت عند الفرد والمجتمع قدرك يزود=وتلفت الأنظار يمك على طيب الآمال

ونطلب إن الله يعينك على بذل الجهود=ويحماك من المشاكل بحلٍ وارتحال

وختمها صلوا على اللي عن الشين محدود=الأمين وصفوة الخلق صداق المقال

[/ALIGN]

[ALIGN=CENTER]قصيدة للشاعر خالد المشيط بالمرحوم سعود العنيزان اسكنه الله فسيح جناته

يا سعود عز الله انت سعود=الاسم للفعل دلالي

كم جدت يا سعود بالماجود=وعطيت من غالي المالي

وصبرت صبر الجمل للكود=ما عجزك حمل الاثقالي

ياسعود طيبك عليه شهود=ولافيك ياسعود مايقالي

والطيب له منتهى وحدود=وطيبك كما الرمل ينهالي

ومتسلسل من عرين فهود=الاب والجد والخالي

ابوك له ماقف مشهود=بيوم به الزاد ماينالي

يوم القسى والليال السود=يشكر ويذكر بالافعالي

بيته كما العيلم المارود=يبنيه بارض الخلا الخالي

وصينيته جانبه محمود=ياما كلت دق وجلالي

وخالك ليا درهمن القود=له عادت يلحق التالي

ليا رد بالكف للبارود=عنه المناعيرتنجالي

وياقف بوجه العدوا بصمود=وتكره ملاقاه الابطالي

ولا عرض النفس للمنقود=ولاهو عشيرا للانذالي

[/ALIGN]

موقع عشيرة ال عجي / مواليد / بريد الموقع :

رزق الاخ مطير صويلح سعود الطعيميس مساء يوم الثلاثاء21/12/1430هـ بمولود ذكر .
جعله الله من مواليد السعادة واقر الله به اعين والديه .

الف الف مبروكـ ويتربى بعزكـ

[ALIGN=CENTER]

[/ALIGN]

هطلت أمطار غزيرة على محافظات بقيق /والدمام/ والخبر / والظهران / والجبيل / مما أدت إلى انقطاع الكهرباء استمرت من الساعة العاشرة ليل أ ول من أمس حتى الساعة السادسة والنصف صباح الاثنين في الدمام .. وهطلت ليلة البارحة الاثنين 7/12/2009 امطار متوسطه وغزيره احيانا حتى صباح هذا اليوم (الثلاثاء)
8/12/ 2009 على مدينة بقيق واضواحيها بصفه مستمره ..جعلها الله امطار خير وبركة وعم بنفعها البلاد ..

[ALIGN=CENTER]

[/ALIGN]
[ALIGN=CENTER]

رزق بندر بن دغيم الحطاب بمولود ذكر في يوم السبت 18/12/1430
الموافق 5/ 12/2009 جعله الله من الآبناء الصالحين واقر به اعين والديه .. ويتربى في عزهما .. جعله الله من مواليد السعادة. الف مبروك.[/ALIGN]