أخبار الشاعر

حصل الشاعر

على شهادة شكر وتقدير من الجمعية السعودية للمحافظة على التراث، وذلك نظير مشاركته ومساهمته الكريمة ضمن ورشة العمل التعريفية لترشيح ملف الشعر النبطي على القائمة التمثيلية للتراث الثقافي غير المادي لدى منظمة الأمم المتحدة للتربية والثقافة والعلوم (اليونسكو)ز

جاء ذلك خلال ورشة العمل التي أقيمت بحضور كوكبة من الشعراء والشاعرات بمنطقة حائل ، بفندق الميلينيوم بجامعة حائل، بتاريخ15 – 6 – 1445 هـ الموافق 7 – 1 – 2024 م .

وثمنت الجمعية جهود الشاعر “نافع آل عجي” القيمة في حفظ وتوثيق التراث والسعي لإحيائه ونقله للأجيال القادمة، متمنين له مزيدا من التقدم والنجاح والاستمرار ف هذا العطاء.

الفين نعم كل ما قيل يا جديع
ويستاهله من هو برز بالطليعة

ترفع له البيضاء بروس المطاليع
ويثنى عليه الجود حيثه وديعه

يا ستر شمر يا سفيره ليا ذيع
يا عزنا يا ذخر شمر جميعه

بفعالكم قامت لشمر مشاريع
وعقب يباس القاع شفنا ربيعه

في ديرة قامت على العز يا جديع
بالجود ببيوت تنومس رفيعه

كنه جبال زاميات مصاليع
فيها كرم حاتم تجدد صنيعه

وفيها غدى لمروثنا عقب توديع
طلابة للابل عيت تبيعه

فيها تسابق طيبات المنابيع
ومكاسب الملاك حفظ الوديعة

تقفى يا خو جوزاء نبيله تتابيع
كل عام نبيه والمشاهد بديعه

خذ العلوم اللي بها صدق الأفعال
والهرج يغني صامله عن كثيره

ما هي هروج مجمعة جرد الأسمال
مجدا موثق يالعقول السفيره

أزمل فلا تزمل ليا حدك الجال
أزمل فلا تزمل يجي لك بشيره

لا كبرت القالات له شاشت رجال
وعند الزميل تهون تصبح صغيره

اليا تناخوا تنبهج ضيقت البال
أزمل لا تزمل والمواقف كثيره

ربعي أهل الدبوس والحق ينقال
تاريخهم مثل النجوم المنيره

منا الذي قاد المعارك بالأبطال
ضد اليهود أيام حرب عسيره

عن حرمة المقدس كسب طيب الأفعال
قايد ويعرف من رموز العشيره

ومنا هل النخوات لطيب مدهال
شيالت الحجاج بأرض وعيره

شالوهم الأزمل على الكور بالحال
ياما لمكه والمنادي بشيره

ومنا رجال وثقوا طيب الأمثال
لليوم تضرب للخوي والمسيره

خمسة عشر ليله على المتن منزال

من أقصى صرغ جابوه رجله كسيره

ومنا ومنا لابة ذكرها طال
نعجز وحنا نقول هذي وغيره

في ضل أبو فرحان والعز بقبال
شيخ الجموع اللي يقود المسيره

معه عضيد العز شيال الاحمال
الشيخ أبو فيصل سنده وشويره

شيوخ لنا من يوم وارد ورحال
وحنا لهم محزم بجوفه ذخيره

ومن دون قاصر بالقبايل والأبطال
كلن له فعول تشرف مسيره

عسى لكم جمع له الضد يهتال
وعز يرفرف بأسمكم بالجزيره

وتعاون بالحق في كل الأحوال
وعسى لكم في مسلك الدرب خيره

من حبكم سجلت ما دار بالبال
تعبير من راس تغشاه غيره

وصلاة ربي عد ما هل همال
على الرسول أعداد فايح عبيره

الحفل زان وزينه شوف الإخوان
في دار شغموم له الطيب عاده

القرم أبو عادل على الطيب شفقان
ما حسب الدنيا بنقص وزياده

خذاه ورث من قديم إلى الآن
عاداتهم ونفوس للجود جاده

جينا نشاركـ فرحة الربع تبيان
وعسى الفرح دايم عليكم عتاده

يا ديرتي يا حفير يا عز الأوطان
اليوم يومك مكتمل بالسعاده

غني فرح شيلي بعذبات اللحان
في حفل من هو يستحق الإشادة

ابنك رجع مرفوع راسه وكسبان
دكتور توجها بحمل الشهادة

تعب وحصل ما سعاله كحيلان
وكل بهقواته يحصل مراده

لله درك يا بو ياسر بليهان
حققت حلمكـ بالصبر والجلاده

دكتور والتقدير ممتاز بتقان
ومن اجتهد يلقى حصيل اجتهاده

سلاحك التعليم والعلم نيشان
والعلم نور وفايده واستفاده

عساه عون لكـ على درب الإيمان
وترقى به العليا وصرح الرياده

مبروك من قلبي وابضهره بلسان

ونفرح لمن مثلكـ بقو الإراده

من روس قوم بالمواقف لهم شان
ربع لنا زين الزمان ونكاده

لويشات يا نعم الخوي وين ما كان
الطيب ساس ومسلك الخير عاده

نطلب لك التوفيق من عالي الشان
الواحد العالم خفايا عباده

الله يديم أفراحكم كل الأزمان
وياعل جمعاكم بعز وسعاده

وصلاة ربي عد ما كاين كان
وأعداد ما ياحصى ويذكر عداده

على الرسول المصطفى نسل عدنان
شفيعنا يوم السؤال وحصاده

سر يا قلم وأكتب على صفحة كتاب
مثايل من راس راسي حصيله

مشاركه مني لغالين وأحباب
ودعوة ابن كساب لازم نجيله

غالي وقدره عندنا ماله حساب
ونهديه من جزل البيوت الجزيله

في محفل تجمعوا فيه الأصحاب
لبو لدعوة غالي ينعني له

شيخ على درب المواجيب قضاب
يرقى سنودا والهقاوي يشيله

الفين نعم فيك يا خلف كساب
شيخ التعارف والمواقف كفيله

اسم خذيته وأنت لطيب طلاب
ومواقفك تخبر ويعرف دليله

تجمعوا عندك قريبين وأجناب
وهي عادتك يا شيخ ما فيك حيله

شيخ بطيبه دايم برهج الباب
ومدهال طلقين الفعايل تجيله

من لابة بالكون يضرب له حساب
قبيلة يا وي والله قبيله

أولاد وايل يا عريبين الأنساب
لطيب طيب وللمعادي مليله

المدح يقصر عند طلقين الأشناب
الابه اللي يكسبون النفيله

قلته وأنا من لابه ذكرها طاب
شمر ذرى راسي بعدله وميله

وصلاة ربي عد دورات الأسباب
على الرسول اللي دعا للفضيلة

لبيت أنا الدعوه غلا مدري إعجاب
وتبي الصحيح لكهن جيت عاني

بشاركك يا تاج راسي والأقراب
وأسعد بلقياكم وأسواق التهاني

فعلت فعلٍ مِنّه الغير مرتاب
ونطيت رجمٍ عالي له مكاني

جمعت ربعك والرفاقة والأحباب
الفعل خير والمكاسب حساني

الطيب ساسك وأنت لدرب قضّاب
ودربك على وضح النقاء والبياني

على مدار العام ما سكر الباب
وامقلط للضيف حدب الصياني

من شمر وإلا قريبين وأغراب
يعنى لبيتك يا كريم المعاني

ومعك رجال بالمصاعب والأنشاب
إخوانك اللي باللوازم تباني

ومعهم قريبين السعد عز الأصحاب
خيرة رجال يشرفون المكاني

عمامك المسعر مع باقِ الأقراب
الكل منهم له مع الطيب شاني

وريت مسعر لأوصل حزم كلاب
والله ونعم ومدحهم ما خفاني

يا حمد شعري والتحايا والأطياب
وبك الفخر يا طيب الذكر حاني

يا بو محيا لمثل هذي ملبين

واللي مثل بايق لزوم نعناله

خويك الوافي رفيق على الدين
القرم أبو ناصر كرام خصاله

حق علينا وصل ناس عزيزين
ومشاركة عوداً فرح في عياله

رجل قضى عمره على منهج زين
وفي ما قف الذرفان يحسب مقاله

أبوًلنا يشفق على الطيب من حين
هذاك أبو بايق ويا حي فاله

دعوا لحفل عادته يبهج العين
جزلين والمحفل بقصر الجزاله

سلام مني والقصايد ميادين
بالشعر والشعار يوم احتفاله

لمشاركتكم والفرح صار فرحين
جينا نهني والسلام اكتماله

في شوف طلقين القبال العزيزين
الكل منهم والمراجل رقاله

مبروك يا بايق نقوله مهنين
ولا هي غريبه بيرق الشعر شاله

أنتم سوابيق على العسر واللين
والطايله كل بجهده يناله

فزتوا بها يوم الخلايق منحين

يوم إن كل مكسبه ستر حاله

عفيه هل الحيزاء كعام المعادين
الابة اللي وافياتً فعاله

ربع على درب المراجل مضرين
ذرفان نمدحهم وهذا مجاله

نعمكم بالمدح ربع وفيين
وتستاهلونه يا رجال الشكاله

وصلاة ربي عد ما قالوا أمين
على الرسول اللي بعث بالرسالة

مشاركة في حفل الشيخ فهد بن عبيد الثنيان بمدينة عرعر مساء السبت 1/6/1436هـ بمناسبة زواج ابنه الشاب (بدر)

يالله يا منعم على كل موجود
رحمتك يا مدبر تصاريف الأيام

يا الله يا غفار يا خير معبود
لطفك وعفوك يوم تنفيذ الأحكام

جينا نشاركـ يا أهل المدح والجود
شاعر وامثل لابتي وسط الإعلام

أسوق مع شعري زهر فل وورود
وعلى طريق جدودنا عهد وإلزام

سلام يا جمع بلا حصر وقيود
بتحية وصى به دين الإسلام

ومساكم الله بالمسرات والعود
وأهلاً هلا وأعداد ما تخط الأقلام

في حفل شيخ بالمواقيف محمود
سمح القبال اللي على الطيب ضرغام|

شيخ لربعه باذلٍ كل مجهود
فهد ويبقى بالوفاء عضد زقام

نعمين با الشيخان نطاحت الكود
سنام مجداً يا عسى عزهم دام

بقيادة اللي يا بغيناه ما جود
الشيخ أبو فرحان للطيب مقدام

هم فخرنا لا صار للقول مردود
وهم عزنا ماضي وحاضر وقدام

نشارك الغالين والوصل مشدود
ونمشي لهم لو هي على سير الأقدام

حل الفرح دار به الحفل معدود

في حفلة يفخر بها كل مقدام

بدر ولد شيخ على الطيب ما عود
جدد نسابة شيخ من ماض الأعوام

مبروك يا الغالي عسى أفراحكم زود
يا بدر يا علك على خير ما يرام

وأنا أشهد أن الطيب والعلم ما رود
وهباس أبو نايف لها تاج ووسام

شيخ الربيعية على المجد معدود
فريس من فريس شجعان وكرام

والحفل في دار المكارم هل الجود
عرعر عسى عرعر به المزن هشام

في حكم أميرٍ بالمهمات معهود
ابن مساعد للعداء دوم لطام

أمن وأمان وخير فيها بلا حدود
حفظ حدود الدار والخير به دام

والحمد لله والحكومة به الزود
يعز ربك من يعزون الإسلام

في ضل عهد بالرخى دوم موجود
ولحرمة البيتين والدين خدام

راح الزمان اللي به السيف مجرود
وجمع شعوبه عقب ما صاروا أقسام

واليوم في عز على عز مشهود
يالله عساك تديمها كل الأيام

يا سعدي الحجاج يا بو مشاري
شعر / نافع ال عجي

يالشعر عندي لك علوم وقداري
رفيق عمر خوتك فاله الخير

اخذ وتعطيني بيوت نداري
من ماحتوى راسي بزين التفاكير

واقدمه قدم الرجال الضواري
هدية مني بحلو التعابير

وانا ليا هوجست صدر قراري
الدرب كشاف الهموم المعاسير

يطري علي والبال فيه الطواري
من غير حاجه لو نسوق المعاذير

خط الشمال تطيب معه المساري
ليما تبين الجوف فوق الحمارير

لشرق اللقايط يمك ذيك المحاري
منصاك بيتً مدهلً للمسايير

بيت لابن عمي على الطيب ضاري
ساس قديم ما اخلفوه المناعير

يا سعدي الحجاج يابو مشاري
نعم بكم يا عزوتي بالتذاكير

العز في وجهه تشوفه مواري
ومع الخلايق نال حشمه وتقدير

ومع الجماعه في طريقه جهاري
ماذكر تأخر عن لزوم المناعير

علمك يسر البال فيه افتخاري
وبه يرتفع راسي مع كل تقدير

عن مانكنه يا فتى الجود داري
ترفع لك البيضاء من الجوف لنير

عم الجماعه دون ذكر اختصاري
ربع لهم بالصدر يالقرم تقدير

عيال الازمل طيبين المحاري
نعم بهم من لابة تتعب الغير

بالطيب محداً للرفاقة مباري
اهل هلا ويامرحبا بالتعابير

بمجالس ياعزوتي له قداري
مدهل شبوخ دوم ورد ومصادير

وصيانين حاشة كبار الفقاري
سلم لهم ما حسبو للمخاسير

وفي عازت الدنيا بوقت العزاري
ادناهم اللي ماقفه طيت البير

عزاً يرفرف في وجيه الضواري
يامن جنابك ما تجيه المخاطير

يا جيتهم تدله وتنسى العذاري
ويطيب كيفك من جميع المشاوير

خط القلم ماملاه فكري جهاري
من راس راسً يهتوي للمسافير

دعوة زواج