خطب من جامع الأميرة العنود بحائل

حصل الشاعر

على شهادة شكر وتقدير من الجمعية السعودية للمحافظة على التراث، وذلك نظير مشاركته ومساهمته الكريمة ضمن ورشة العمل التعريفية لترشيح ملف الشعر النبطي على القائمة التمثيلية للتراث الثقافي غير المادي لدى منظمة الأمم المتحدة للتربية والثقافة والعلوم (اليونسكو)ز

جاء ذلك خلال ورشة العمل التي أقيمت بحضور كوكبة من الشعراء والشاعرات بمنطقة حائل ، بفندق الميلينيوم بجامعة حائل، بتاريخ15 – 6 – 1445 هـ الموافق 7 – 1 – 2024 م .

وثمنت الجمعية جهود الشاعر “نافع آل عجي” القيمة في حفظ وتوثيق التراث والسعي لإحيائه ونقله للأجيال القادمة، متمنين له مزيدا من التقدم والنجاح والاستمرار ف هذا العطاء.

مران خبرني باللي شفت و اوحيت=أي التحضري يالخو و البداوة

لا عاد انا من مسكن الدار كليت=وقمت أتذكر منزل بالنباوة

وهقيت يا مضنون عيني وظنيت=ان البداوة يابو الادهم نقاوة

حيثك ليا من شفت ما عفت شديت=وبعدك عن اللي ما يودك طراوه

ودار التحضري كنها حفرة الميت=تسقيك من غبن القريب اللعاوه

ولازم تصير امغاضبن لو تدريت=وتصير عدوٌ وانت ما بك عداوه

وتجيك ناس تنخت الشين تنخيت=ويلقون شي ما لقته القطاوه

وعلومهم عوج طوال سمارميت=ولو جيتهم معك الذهب صار ماوه

الله على ياخوك من شيد البيت=في منزل به للجوازي حراوه

وعندي من الربع المسمَّين ما غليت=اللي يخلطون الصخا للقساوه

يا جيتهم لو انت عجل تلهيت=تلقى مجالسهم جمال و حلاوه

وتسمع دنين انجورهم له زغاريت=مثل السباع الجايعة يا تعاوه

وركابهم تلقى شحمهن ذعاويت=من كثر ما داجن بربع الدواوه

موقع عشيرة ال عجي – ابوفيصل :

الشاب عبدالله العلي الفهيد الطعيميس تم ترقيته للعمل في ادارة شركة موبايلي هذا اليوم23/11/2009م بعد ان كان في احدى فروع الشركة بالرياض .

ويعتبر الشاب عبدالله من الشباب المميزين والمجتهدين في عملهم وما هذه الترقيه الى مكان افضل الا دليل على تميزه واجتهاده في عمله .

تمنياتنا له بالتوفيق في عمله الجديد .

قصيده للشاعر خالد المشيط في الحفل المقام بقرية الحفير بمناسبة تقاعد الاخ ناصر العلي

نحمد اللي بدل الحال من حال بحال=وعاد للنفس العزيزة وريَّح بالها

إبتدل عصر الجهل والتجاهل باعتدال=و إجتمع شمل القبيلة وفض أشكالها

و إعتدل جو الصراحة على حسن المثال=وصارت الديرة فخورة بطيب رجالها

ومن بعد هذا نقدم تحيات جلال=من قلوب صافية وافية باقوالها

للعزيز اللي مقامه كمال في كمال=موقفه تاج على روسنا يزهالها

أعني المذكور ناصر عسى أيامه طوال=العضيد اللّي ثقيل الحمول أشتالها

صاحب الفزعات والجاه صدَاق المقال=وعند ساعات الشدايد تسر أفعالها

بالقريب وبالبعيدين له دور يقال=ماضيٍ بالناس طيبه وطيب أعمالها

وكم وقف وقفات عزٍ توارت بالجمال=نال به مرقاب عز ينوط وصالها

ما يناله كود رجل قوي الإحتمال=والكسول يتابع الهون ما يقوى لها

وينتمي ناصر لربع بهم طيب و عدال=وخوّةٍ بالوقت هذا قليل أمثالها

أبي أشيد بمجدهم فوق ما علاَ وطال=ناصرٍ وأخوان ناصر وثمّ عيالها

يا عسى بهم الكفا والوفا في كل حال=حيثهم ذخر لنا عند ما نلجا لها

وساسهم من ذروة المجد عمَان وخوال=انشد التاريخ ينبيك عن تفصالها

وفايزين عن أكثر الناس من عدة خصال=الشجاعة و الصخا والكرم من مالها

ومن كبار أولاد الازمل ليا حل المجال=لابة عند اللوازم تطول إحبالها

يوم صولات البوادي حماهم ما يطال=كنَهم مزن تردم يريب خيالها

يا زمى جمع المعادي زموا مثل الجبال=وعوَد الباغي بخوفه وخيبة فالها

يا خذون الحق بالعق يا حل الجدال=وتختـلط عقالها مع وسط جهالها

وجارهم لو جار ما عاد يحسب له خمال=حاكم في طبعهم قدرها وجلالها

والخوي يميزونه بتقدير و نفال=وحشـمة بيـن الملا وافي مكيالها

وصبرهم عند البلاوي مثل صبر الجمال=الضعيف وبارد العزم ما يبرى لها

وشيخهم شيخ القبيلة ولا عنه إعتزال=شيخ سبع جموع بالوانها وأشكالها

نفتخر باسمه وذكراه معنا لا تزال=وعالي قدره وقدر العزاز أنجالها

حيثهم راس القيادة بجولات القتال=يوم عركات تروع القلوب أهوالها

لين جاء الحكم السعودي وغيَر به و ازال=بدَّله بالأمن والخوف عنه أزالها

و حكَّم الشَّرع المطهر على كل العمال=وصكت الابواب دون الجهل بأقفالها
وختمـها مني سـلام عدد طـش الخيـال=للحضور و صاحب الحفل اللي جينا لها

قصيده للشاعر خالد المشيط بمناسبة زيارة خادم الحرمين الشريفين عبدالله بن عبدالعزيز ال سعود لمنطقة حائل

شرف الدار عبد الله وطاب الوفاق=ورزَّت أفراح حائل في عزيز لفا

مرحبا بك عدد رمل النفود الدقاق=أو عدد ما تهز النود قشع الشفا

أو عدد ما غشى الليل الروابي وساق=عن عبير الصباح اللي نهاره ضفا

أبدع القاف من حب وزود إشتياق=في محياك يا راع الصخا والوفا

حبنا لك صريح ما يخلطه نفاق=مثل نقش الكتابه فوق صم الصفا

نبدع الشعر في مدحك بوجه طلاق=ونعتبر كل ما قلناه بكم ماكفا

حيثك أنت المليك اللي بك المدح لاق=و أبو من لا له أب وكافل الضعفا

و أنت تصغي براسك للضعيف الهقاق=وتعطي المال عطف من ضمير صفا

وأنت عبد الله المعروف بدر الأفاق=وأنت ذخر العروبة كان يبس الشفا

إلي حصل فيه يوم مثل يوم العراق=تزبن الناس جانبكم وبكم الكفا

كل الأقطار تشكركم على أوسع نطاق=ولا على الناس منكم يا أبو متعب خفا

أنتم أهل السياسه والظفر والوفاق=وأنتم أهل المروة والعطا والعفا

للمصاحب عسل سيَّال حلو المذاق=وللمعادي جحيم ضوها ما طفا

وأنتم أبطال نجد وبطشكم ما يطاق=ومن جفاكم يباشره الجفا والهفا

وأنتم أهل السيوف اللي تقص العناق=عند هدي الكتاب وسنة المصطفا

وحكمكم ورث جدان مهو باتفاق=ولا بطرق انتخاب ولا بعون حلفا

بالسيوف البوارق مرسلات الشعاق=مطوعات العنيد الطاغي المرجفا

نفتخر باسمكم يا طيبين العماق=وأنتم أهل القيادة بالعلن والخفا

فات خمسين مع خمسين عام طباق=تنعم المملكه بأمن و أمان ودفا

والمسافر يسافر ما يلاقي ضياق=كن معه العيون الساهرة تشرفا

ما فقدنا المؤسس حين حل الفراق=حيث قاموا مقامه بالمكان خلفا

قادوا الشعب من عز لعز يراق=يوم بعض الشعوب تقاد للموسفا

نطلب الله يعزك يا بعيد المهاق=ويحفظ الله ولي عهدك عضيد الوفا

ويجعل الشر عنكم ينتحي بالفراق=ويجعل النصر صاحبكم بعز وعفا

قصيده غزليه للشاعر خالد المشيط يسندها للشيخ متعب بن درزي العردان

عديت يا متعب طويل تعلى=طعس على الدار البعيدة مويقي

قعدت في راس الطويل اتحلى=ابي اتفضى وزاد صدري بضيقي

وطبيت كن الكبد به شوك سلا=والدمع حرق بالعيون اتحريقي

على حبيب بالمحبة تغلى=مر معاديني ومر صديقي

يا شاف بي غيض ضحك واسفهلا=وليا بغيت الوصل سد الطريقي

علمي بهم باول رجب حين هلا=جاني على جال المحيط الغميقي

و اقفيت واقفى ما دري وين ولى=و انا على شوفة قباله شفيقي

الصاحب اللي للضماير يتلا=تل الغروب الصادرة من غريقي

عليه روحي طرّفة مابقى الا=سلك مثل سلك الاباري دقيقي

ابو فليل فوق ردفه تدلى=ذيل العبية عقب رد الوسيقي

والعين عين اللي بالاقفار فلى=خشف من العفر الادامي طفيقي

والنهد توه بالحشا مستقلا=والخد يشبه للجنيه العتيقي

يا بو شقا حار القدم بي وزلا=واخاف يرميني بدو سحيقي

اطلب عسى المجمول مهو بحلا=اللى دعى صندوق قلبي خريقي

يا لله يا اللَّي فزعتك تبهج البال=ياللي ليا من ردت عسر تناله

يا رب موسى يا مصدّق لما قال=ياللي دعاك ايوب وأشفيت حاله

وأخرجت يونس عقب ما قاس الأهوال=من حوت وبحور تلاطم زلاله

انت الرقيب اللَّي بخيص بالأحوال=وعليك عقد إحبالنا و إنحلاله

تكتب لنا من خير ماشيت منزال=وتجعل لنا من حبل جودك وصاله

و تفكنا من ميلة الدهر يا مال=ومن غارة الدنيا وخافي لياله

دنياك غاراته بهن دق و إجلال=غدَّارة ما يامن الحذر جاله

تزين يوم و الصواديف عَمَّال=وتدور مثل الشمس تتلي ظلاله

كم فرقت ناس وكم ضيعت مال=من دور نوح ما تعدد فعاله

هذا وانا منها مروع و ذلال=اخاف من حيلاتها وإحتياله

يا ليت لو تعطينا الايام بمهال=والقلب يسكن عن هواجيس باله

اللَّه من قلب من الهم مشتال=شيل الجمال اللي ثقال حماله

والله يا لولا الصبر لاسير بهبال=وامشي كما المذِهب واسال بسواله

من واهج بين المعاليق يجتال=كنَّه على جمر يزيد إشتعاله

واللي بالي يا بو ممدوح ما ظال=علت الطريق و عيلة البيت عاله

زعمت ثري الزعم راعيه فشال=يصبح كما الساري بداجي لياله

واللي ارضعتنا الديد حولين بأكمال=حق برفقتنا يطيب الهوى له

كيف اتركه لاعند عم ولا خال=يمضي شهر ما دري عن اللي جراله

وان قيل ذا حق فانا اقول بطال=عند الجليل و من يحب الجلاله

الوالدين حقوقهم كبر الأجبال=ومن باعهم بالغير وا عزتا له

وراه من يمهل ولا يهمل اهمال=لا بد ما يجزاه باشين عماله

والدار ما تنهض بلا مال ورجال=نهضه وعزَّه من معزة رجاله

ولو ان قلبي يشدهي درب الانذال=كان استهنت النفس و ادنات ماله

أحط له بين الحبيبات مقيال=و أقول ضحك الناس ما ني بحاله

لا كن قلبي ياملا فيه ولوال=يهوم هوم اللي بعيد محاله

كنَّه بشمس والمخاليق بظلال=والنَّاس ما تدري عن اللي طراله

يا داير العليا تره صبر و إجزال=تصعب على اللي شوفته قدّ حاله

وعمر يمضى ما درك النعم لاطال=اطلب عسى المولى يعجل زواله

تمت وصلوا عدّ ما هل همَّال=او ما لمع برق و سوَّد خِيَاله

موقع عشيرة ال عجي – خاص :

أعلنت اللجنة الرئيسية للحكام بالاتحاد السعودي لكرة القدم حتى مساء أمس الثلاثاء نتائج إختبارات الدورة المكثفة لحكام كرة القدم والتي إنطلقت مساء الأثنين الماضي في ملعب الأمير فيصل بن فهد بالرياض بمشاركة ( 70 ) حكماً ، وحضور رئيس لجنة الحكام عبدالله الناصر ونائبه عبدالعزيز العيدان ومقرر اللجنة محمد سعد بخيت ومدير هذه الدورة عبدالرحمن الزيد بالإضافة إلى أعضاء اللجنة الرئيسية يوسف العقيلي ومحمد البشري ، حيث نجح كلاً من فهد المطلق وعبدالرحيم الشمري

وعبدالرحمن القحطاني وابراهيم الدباسي وعبدالعزير الأسمري ومؤيد الصايغ وصالح المطيري من تجاوز الإختبار بنجاح، وذلك ضمن إختبارات قوانين اللعبة وفي اللياقة البدنية المعتمدة من قبل الإتحاد الدولي « الفيفا » والذي يعتمد على جاهزية المعدل البدني واللياقي للحكام في عدد مرات الركض حول المضمار والفحص الطبي، حيث سيتمكن هؤلاء الحكام من المشاركة في إدارة أي لقاء على مستوى دوري زين ودوري الدرجة الأولى وكأس فيصل بن فهد خلال الموسم الرياضي الحالي.

هذا وأبدى حكام اللجنة الفرعية بحائل خالص شكرهم وتقديرهم إلى رئيس اللجنة سعود الحماد ونائبه محمد الرديعان ومقرر اللجنة فهد المطلق على جهودهم المميزة في دعم وتطوير أداء الحكام وتوفير كافة مقومات النجاح

يا موتري خذ بنا بأرض الخلا فره=نبي نسلي ضمير زاد هوجاسه

يا زين صوتك بدو خالي بره=ارض عوى ذيبها من قلة أوناسه

يا من صوت المكينة حن وامتره=يا بعد دار تنوسه عقب مرواسه

وان صارت ارضه طلوع ولونه احمره=كم راس حيد طويل مشرف راسه

ومشيك مع ارض خلا والنفس مستره=اخير عندي من البيبان واجراسه

نبي عنود لها بارض الخلا جره=دونه رمال النفود ونايف اطعاسه

مع نجع بدو بقرب المدن ما قرًه=و دايم ضعونه مع الديان غلاسه

ويا ما ربى بالخلا من درة حره=ما شافت السوق والصواغ و اجناسه

ولا هي من اللي لشوف السوق مضطره=ولا علق اسمه مع الزرقا لمجلاسه

ريمية شافت الازوال و ازوره=طرادها يشتكي من بعد منكاسه

وجسمه ملايم لبرد البر مع حره=مثل الجوازي ترب البر وشماسه

وتشرب حليب البكار الوضح يادره=وتشم ريح الهبوب العذب بانفاسه

وتسكن بيوت يشادن نايف الحره=ترفع عمدها على عزه ونوماسه

بين الدهيمي وخور الداب والغره=حروة مداهيل زين الوصف و ارماسه

ودي بشوفه ولو هو بالسنة مره=ما دام حبل المودة ما انطوى ياسه

بنت الذي يا تحيزم للعدو ضره=رمز الشجاعة عريب الجد من ساسه

سبع ينوس الخلا ما يخوفه شره=ولا يحب رفقة عفون الناس و انجاسه

يا ما نزل خايع والارض مخضره=ودوج بقاع قفر ما هي بمنعاسه

[ALIGN=CENTER]الشاعر الكبير خالد بن محارب المشيط[/ALIGN]

موقع عشيرة ال عجي – خاص :

اجرى العم عيد بن مخلف الحمدان عمليه جراحيه تكللت بالنجاح ولله الحمد والشكر هذا اليوم الاربعاء 1/11/1430هـ في مستشفى العسكري بالدمام بالمنطقة الشرقيه .

ونطمئن الجميع ان ابو راضي طيب ولله الحمد والشكر.

موقع عشيرة ال عجي – مواليد :

رزق الاخ عنيزان بن حمدان بن مخلف المغيص بمولود هذا اليوم الاربعاء 1/12/1430هـ جعله الله من مواليد السعادة واقر به اعين والديه . والف الف مبروك ويتربى بعزك يالغالي .
وكذلك التهنئة موصوله لوالده الفاضل حمدان المخلف وكذلك الخال عطالله الفهيد الطعيميس