ديوانية المسعر

حصل الشاعر

على شهادة شكر وتقدير من الجمعية السعودية للمحافظة على التراث، وذلك نظير مشاركته ومساهمته الكريمة ضمن ورشة العمل التعريفية لترشيح ملف الشعر النبطي على القائمة التمثيلية للتراث الثقافي غير المادي لدى منظمة الأمم المتحدة للتربية والثقافة والعلوم (اليونسكو)ز

جاء ذلك خلال ورشة العمل التي أقيمت بحضور كوكبة من الشعراء والشاعرات بمنطقة حائل ، بفندق الميلينيوم بجامعة حائل، بتاريخ15 – 6 – 1445 هـ الموافق 7 – 1 – 2024 م .

وثمنت الجمعية جهود الشاعر “نافع آل عجي” القيمة في حفظ وتوثيق التراث والسعي لإحيائه ونقله للأجيال القادمة، متمنين له مزيدا من التقدم والنجاح والاستمرار ف هذا العطاء.

ياويش رجلين (ن) قويين وشداد
تحضنو بنت (ن) كريم نماها
مضالهم فعل على دور الاجداد
والبنت من طيبه تجدد غلاها
تو حدو مابينهم دون ميعاد
وصارو مثل شمس الضحى في سماها

٧ـ
انشدك عن رجل تحيزم قبالك
ينخاك مثله تحترم يوم نادك
في طاعته عز الله الخير فالك
واليا تبعت أرضاه روح وخلاك

ياويش بنت بالمجالس له أذكار
بنت تفيد اللي ليا قفو مشوبه
تذكر ويذكرها من الناس الاخيار
ليا من راع العرف حسب ذنوبه

انشدك عن بنت تزوج لرجال
وتميزه لاصاحبه في مسيره
يشيلها بيديه ياخف ماشال
وان غاب عنها زوجوها لغيرهـ

يابشير ويش بنت ما تنام
السهر طبعه على مر العصور
من رموش عيونها نبع الكلام
مرضيه لناس في حكمه تدور
من عصاها بحكم شرع الله حرام
وعزتيله مالقى عقبه سرور

أنشدك عن رجل نزل فوق عالي
في منزل ماينزل كل رجال
رجل نزل في منزله ما يبالي
ولا خاف من ناسه على كل ابو حال
حتى الشيوخ وصاحبين المعالي
له احترامه عندهم قدر وجلال

يابو فهد ياويش رجل مع الناس
مع البشر لا شك موقعه خافي
في موقع مشروك مابين الاجناس
يذبح مع اول طلعته يالسنافي
آليا ظهر مع الرجال قيل لا باس
اما النساء محرم ولابه خلافي

نشدك عن بنت تزوج لرجال
وتميزه لاصاحبه في مسيره
يشيلها بيديه ياخف ماشال
وان غاب عنها زوجوها لغيره