خطب من جامع الأميرة العنود بحائل

موقع عشيرة ال عجي

موقع عشيرة ال عجي /مواليد

يسندها على الشاعر/ مطلق فالح الطعيميس

هاذي القصيدة وصلتني من
الشاعر/محمدمقبل الشلاقي
وقدسبق وان سجلت الرد

وهذه قصيدته يقول

يامشعل اكتب ماتفـضل به الفام=من منهـل في خـافـق البال زامي
من فوق صدر البيض وشم بالاقـلام=من يوم مـوق العين عاف المنامي
واحمل كتابي فوق مرفوع الاقيام= جـيب جـديد وطالـبه في مــرامي
تصميم كافر ماقراء كتب الاسـلام= يهــودي مادى الفريـضه وصـامي
شفه طـموح العلم من سن الافطام= يمـابزودالعـلم شـــال الوسامي
شدالوكالة جـيب واصفـارالارقام=مـــكينته مازخــت الـزيت حامي
ماحافه الهـندي بمعجتون ولحام= يبشـر غــريب الدار صوته شمامي
توه جــديد ومـبرم يايه ابرام= مسـتقعــدالكــبوت عوق المضامي
ياداس سواقـه على البنص ببهام= من سـرعــته يشدى رفيف القطامي
مضــراب مخلابه بهـاينزف الدام= ولاكـــماذيب ســــرى بالظــلامي
الشوف من دونه غدااقسام واقسام= مـن سرعـــته ماتحـقهابالعسامي
ياكن وصـف استبنته باسودالخـام= من فـوق صــك الشرع بصمت بهامي
والياهدى من سرعـته وصفه التام= شــيخ تكــلف في ضــيافة كرامي
زيكــه هدية حــاكم زار حــكام=يامن نطـــح في منطحه واستقامي
يطري علي قبل آصـفه مدلع أريام=موتر مصــمم فــيه فــن وفخامي
على قليل المــال شــوفه بهالام= اقشــرمن الشرقة بصـدر الحرامي
واخــلاف ذاياراكب الجيب ياغـلام= لأهـــــنت يالمــندوب وصل كلامي
منصاك عرب الساس نطاح الاخـصام= مطلق رفــيقي مــن رجـال كرامي
اهده ســـلامي عد واعي ومن نام= وعـم الربوع الحاضـرة في سـلامي
وخص ابورايد في سـلام وخـبرهام=يفهــم ولايطـــلب لقافي افهامي
ان سلت عني ضــاع صبري بالايام=في مركــب دونه محــيط الغرامي
في موج طاحوبه من الناس حـكام= من قبل ابن طــــحان ناس قدامي
لا يابو رايد ياتتبعت الاعــلام= لاتقــول وش بك كـل الايام كـامي
ظامن برمش العين من يلبس لثام=كــم لي على شوفه لي اوقات ضامي
طفل يشيل الثوب ردفـه لياقـام= مـربوع غـــض العود سمـح الكلامي
ودي اجـــيه ودونه الفين نمام= انوض لاكـــن ماتعينن عـــــظامي
اكره لعين الضن ولسـانه السام=واصبرعلى مـــيل الزمن وانسجامي
ولا حـــبيبي ودهاكـــل الاعوام=عـــنده لعهــد الحب قدر ومقامي
ابوعــيون سو دترسـل لي اسهام=والنهــد شال الجيب بالصدر زامي
يامطلق الفالح ترن طحت منظام=ولياذكــــــرت الخد وصفه تمامي
بدر الدجى يالقرم في منطحه تام=يعجـب به الشــايب وطفل الفطامي
شوفه علي اصعب من رجوع صــدام= مالي طـــريقه غـير جاه الحشامي
وخلاف يالمصطــوريانسـل الاكرام= نبي بحـــيل الله نشــــد الحزامي
ولا العذريالقرم سـبق به العام=عــليه عــين من عيون العــمامي
يالــيت تجـمعنارفاقات وارحام=من اقصى القـبيلةوش يفك اللحامي
اهوم وايس واكـــثرالناس نيام= ماحــد فهــم ياطير شــلوى علامي
واليه طيب مار ربعه له احـكام=باسبابهـــم عيايهــيي مـــرامي
يالعن ابوه لياتبرمج على العام=وضعي غــــداصامت وطـــير كـلامي
لويعرض المجــمول للبيع ويسـام=لاسـوم باغلى السوم في سـعر سامي
وان كان عيابالغضي ماله اكرام= والله لالحـــق والديه الشــــتامي
واقول يامعبود يامغـيث الايتام= انك تهـــينه يامــــدير الغمامي
على ابتسام القلب هايم ومنظام= والياس دونه صــــف خـيله امـامي
ولاعــندنا من غيب الايام تعلام= نــمشــي على سـلك الامل والعـلامي
يامعيدلغصون الشجرعقب الاصرام=عود عـــلى شــفاتي الابتســـامي
ياواعـد بالنار عباد الاصـنام=انـك تــعوض القلب عـقب الهيامي
وياخالق بالكــون كفار واسلام=تهـــين من دون الحـــبيب محامي
والمعذرة يامعلم الشعريالفام=ان كان بالقــيفات نوع اصـتدامي
غصب على محمد شكاالجرح وهيام=رفــعت لأبن العم قصـــــة غرامي
مطلق معي وافي عسى العمرله دام=حشى ومـــثله مايجــــيه الملامي
واقبل ســلامي عد من طاف بحرام= واعداد خــلق الله جــــنوب وشامي
من الجيل اللي قبل1400عـــام= لياجـــــيلناهــذا عداد الأنامي

موقع عشيرة ال عجي / بريد الادارة