أخبار الشاعر

حصل الشاعر

على شهادة شكر وتقدير من الجمعية السعودية للمحافظة على التراث، وذلك نظير مشاركته ومساهمته الكريمة ضمن ورشة العمل التعريفية لترشيح ملف الشعر النبطي على القائمة التمثيلية للتراث الثقافي غير المادي لدى منظمة الأمم المتحدة للتربية والثقافة والعلوم (اليونسكو)ز

جاء ذلك خلال ورشة العمل التي أقيمت بحضور كوكبة من الشعراء والشاعرات بمنطقة حائل ، بفندق الميلينيوم بجامعة حائل، بتاريخ15 – 6 – 1445 هـ الموافق 7 – 1 – 2024 م .

وثمنت الجمعية جهود الشاعر “نافع آل عجي” القيمة في حفظ وتوثيق التراث والسعي لإحيائه ونقله للأجيال القادمة، متمنين له مزيدا من التقدم والنجاح والاستمرار ف هذا العطاء.

الدكتور الشاعر مشعل ممدوح العلي والشاعر نافع ال عجي

بحول الله اللي يرسل المزن هتان……….. الجايحه بـ تقفي ويقفي حصاره
ويبي لناكم يوم يابن عنيزان………… نعرج على حايل وناصل دياره
ننفض غبارالحضر عن قلب شفقان………. لشوف النفود ولابةٍ به نماره
ابن جرادٍ والعديلي.وبليهان…………. وبعد المبلع جاهزٍللاشاره
ودله نصاليهاعلى صلو نيران …………وقصايد عذبه على ضو ناره
الشاعر الدكتور / ممدوح ال علي

بمرالذي يعلم خفيات الازمان ……….هانت وعقب اليل بين نهاره
يابن على حييت ياطير حوران……….. نفرح ليا من مثلكم زار داره
ساس عريب ومنهل الطيب تبيان……….. وقامات عز تنعرف بالصداره
أن جيت حائل ياذرا كل بلشان………….. نبي تشرفنا وهذي بشاره
يم الحفير وديرتي نجمها بان ………….ديرة هل الدبوس يعرف وقاره

نافع ال عجي

‏‎سلمت وانتم للطويلات مزبان………….. ومقر لطوله ..سفير وسفاره
مثلك يانافع للمواجيب بيبان …………..ولك وقفة ٍ بالطيب فيها جساره
وان قدر الله لاصفت والهواء زان………. نلفي ديار.. الطيب يقبس بناره
والشكر ياالعزوه ..لك يسيل وديان ………..سحب ٍ من الحشمه تطارخ وقاره
الدكتور مشعل ممدوح العلي

تقول وش ذنبي وأنا أقول لبيه
والله ما لكـ ذنب يا راس مالي

كود الغلا والقلب محداً سكن فيه
والله ولا غيرك سكن دوم بالي

ما بي أكدر صفوا عيشكـ وما فيه
ولا أبيكـ تتكدر على شان حالي

أبي على مفرج وأشوفه وماشيه
هي عادتي أمسكه لا ضاق بالي

لا شكـ طبعي وأنتي اللي عرفتيه
حراً معاش الذل أول وتالي

على الرجوله والصراحة مباديه
وعلى الكرم والصدق تبقى خصالي

ورثٍ ورثته ما شريته ولا أعطيه
متمسكـ به لو تطول الليالي

لا ضاق يبعد عن دروب ومتاييه
ويرتاح من شوفه غثيث الرجالي

اللي عى السوه كرام مباديه
وعلى الخساسه واحترام الريالي

وش لي بداره يالغلا ويش لي فيه
بفراقهم عزي ويرتاح بالي

أما أنت يا بسمة حياتي وما فيه
يهون من شانكـ حلالي ومالي

تستاهلين الشعر يا أجمل معانيه
وتستاهلين الحب يا أعز غالي

ما هو غياب غياب قلب سكنتيه
والطيف ما فارق دقايق خيالي

مع السلامة يا غلا قلب راعيه
واستودعكـ ربي عزيز الجلالي

أبشرك ماني على المدح خيال
دوار ستر ومكسبي ستر حالي

يشره علينا يا رفيقي بالأفعال
يالله تجملني عسى الخير فالي

ان طبت قالوا ما لحق طيبه رجال
ولا راح يلحق طيبهم والفعالي

وإذا تردينا لها قايل قال
يا حيف هذا عقب ذولا الرجالي

ابجتهد وامشي عسى نستر الحال
وامشي مع درب لبويه وخالي

وابجتهد واحرص على خير الأعمال
في طاعة اللي بالسموات عالي

مارد عبده يوم لذنب سيال
غفر ذنوبه لو حموله ثقالي

سبحانه المعبود علام الأحوال
يالله رجيتك ترحم اليوم حالي

وفي طاعة اللي للبشر منقذ ودال
عليه أصلي عد حصوا الرمالي

المصطفى شفيعنا يوم الأهوال
ياعلنا في زمرته بالعوالي

ولوالديي يا ولد جيت حمال
سل وأيا ربي عليه اتكالي

عسى يعنن يا ولد دوم بقبال
يوم المنايا فرقت كل غالي

عسى لهم في جنة الخلد منزال
يا رب يا معبود هذا سؤالي

واحرص على وصل الرحم دوم بايصال
وادري مقصر وللكريم الكمالي

وللجار وإيضا الضيف بالقلب مدهال
وإكرامهم واجب على كل حالي

وايضاء الرفاقة في مواقيف الأبطال
أسعى لحشمتهم وهذى خصالي

وأنا احمد الله ما هوى جمعة المال
تخسى الوجيه اللي تعبد الريالي

الله يلد وجيههم قول وأفعال
لا راجياً فوده لو الجيب خالي

واهوا التمشي بين ووديان وجبال
خص لنا غطى الخضار السهالي

مع شبة للنار به صفة دلال
في روض عشب توه اليوم سالي

ومزعفرا يصبغ من اللون فنجال
تسلم يمين اللي يحوف الدلالي

ومرافقة ربع زحازيح ورجال
شرواك يابو هند قرم العيالي

نبي الستر دام الستر مطلب الحال
وعسى الولي يرضى علي في مقالي

ارجيه ما ارجي غيره اليوم يا عيال
أنا نصيته وهو عظيم الجلالي

افزع لعبدك يوم يرجيك يا وال
يمك توجهنا وتعلم بحالي