محمد المتروك

حصل الشاعر

على شهادة شكر وتقدير من الجمعية السعودية للمحافظة على التراث، وذلك نظير مشاركته ومساهمته الكريمة ضمن ورشة العمل التعريفية لترشيح ملف الشعر النبطي على القائمة التمثيلية للتراث الثقافي غير المادي لدى منظمة الأمم المتحدة للتربية والثقافة والعلوم (اليونسكو)ز

جاء ذلك خلال ورشة العمل التي أقيمت بحضور كوكبة من الشعراء والشاعرات بمنطقة حائل ، بفندق الميلينيوم بجامعة حائل، بتاريخ15 – 6 – 1445 هـ الموافق 7 – 1 – 2024 م .

وثمنت الجمعية جهود الشاعر “نافع آل عجي” القيمة في حفظ وتوثيق التراث والسعي لإحيائه ونقله للأجيال القادمة، متمنين له مزيدا من التقدم والنجاح والاستمرار ف هذا العطاء.

موقع عشيرة ال عجي – سلطان الحبيب :

نباركـ للاخ راجح بن جزاع الجوعان قبوله في الحرس الوطني بعد ان اكمل جميع الترتيبات لذلكـ .
ولم يتبقى سوى الدورة التي سوف تكون فيشهر محرم القادم تقريباً

امنياتنا للاخ راجح بالتوفيق في عمله الجديد

مما قال الشاعر سليمان المحارب المشيط (رحمه الله) يرثي الشيخ شحاذ بن سلمان بن ثنيان

الله من عينً بحجره تقل حاذ=خص ياطريله فراق الحبايب
يالله باسمك ونستعينك ونعتاذ= عن شر غارات تفاجي مصايب
ياليت غاراته على العفن والشاذ= وتخلي اللي مايغث القرايب
والا المقدر مثل ماقيل نفاذ=والمسعد اللي من خطاياه تايب
للحل ياقبراً سكن فيك شحاذ= سقاك من وبل الثريا سحايب
دهمً يجي مع ماطره تقل رذاذ=مع هجعت النايم حقوقه نهايب
ياخذ سبوعٍ والثرا تقل نذاذ=فوق التراب وحدر رخم النصايب
عليك ياما حزنت سمر الافلاذ=يامجيرك الله ياملا الاجر شايب
مرحوم ياللي باللحد عن هله لاذ=عز الله انه غاب لربع غايب
مفراص راسٍ للعدو صلب فولاذ=من هيبته عدو لللاجداد هايب
من ماكراً طلعه ورا طلعنا فاذ= على سعد من دور عصر النهايب
حصن الطلايب للطلب مابهم جاذ=عند اللوازم يتعبون الركايب
بيت لسنجاره بهم عز وانقاذ=يذرون لاهبت لهم عن هبايب
قياد سبع جموع من سبع الافخاذ=يرعون بالطيب على غير طايب
اولاد الازمل ياخذا الطرش الاخاذ=ياتون طوعاً مايجون بغصايب
بمشوكاً ماهو قلم حبر واستاذ=زرقاً تسوي بالترايب سهايب
زينين شينين ليا كثر الاحناذ=عصاتٍ تهدي من يجر السبايب
ماقلتها قصدي بالاشعار هذاذ=ولاكلاماً بين مدي وجايب
لهم بقلبي كبر حبران وشذاذ=حبٍ نشاء من صلب جد الصلايب
صلوا على خير الملا سيد الافذاذ=حفيد عبدالمطلب بالنسايب

[ALIGN=CENTER]
هذا ماقال الشاعر سليمان المحارب امشيط ويسند على اخيه غالي المحارب

يابوفليح ديرتك ماهنتني=مهن الحريم اللي عليهن تهامي
تضحك وقلبه قاسياً لي بمتني=وتسوقني للمهلكه والمضامي
واشاهد الباري على انه جفتني=موجاً غزيراً بين الاحباب طامي
يوم ارتحلت الطايره ونهضتني=ماكن لي بديار نجداًُ مرامي
صديت عنه واتقيت راسي بمتني=وحطيت منديلي لوجهي حرامي
من عبرتن كنيتها وفضحتني =تمشي وتبني بالشوارع اخيامي
مشيت له لين الضروف اوصلتني=داراً هله نصفه تعبد الصنامي
اللا الشيوخ اللي يديهم عطتني=بذالة الغالي عيال الكرامي
ياراكب اللي تفتن الريد فتني=واطيع للملاح غلق الكلامي
تلفي على زبني ليا دهورتني=ابو عبيد ريفهم بالزحامي
سلم على اللي بالغلا ولعتني=الجادل اللي مثل ريم الوسامي
كانه على خبري وهي خابرتني=غيره من الخفرات مالي مرامي
وان ساعف الباري على الحول حتني=بهلال عاشوراً نجيكم شمامي

الشاعر سليمان بن محارب المشيط (رحمه الله)[/ALIGN]

موقع عشيرة ال عجي – مواليد –

رزق الاخ//فهيد فرحان الرماحي بمولوده يوم الخميس بتاريخ
10/11/1430 هـ لتنظم الى أختها ( ضي ) واخيها ( هيثم ) جعله الله من مو ليد السعادة واقر بة اعين والديها . الف مبروك وتتربي بعزكما ،،

ادارة موقع العجي تهنئ الأخ فهيد بقدوم المولوده الجديدة جعلها الله من مواليد السعادة،،،

موقع عشيرة ال عجي – مواليد – ابو فيصل:

رزق الاخ الفاضل / ناصر طايس سويلم الرماحي بمولود ذكر هذا اليوم الخميس 10/11/1430هـ . جعله الله من مواليد السعادة واقر به اعين والديه . الف مبروكـ ويتربى بعزكـ

موقع عشيرة ال عجي – مواليد – فهد الغالي :

رزق الاخ / رضـا بن فهد سقيان المغيص بمولوده هذا اليوم الخميس 10/11/1430هـ . جعلها الله العلي القدير من مواليد السعادة واقر بها اعين والديها . والف مبروكـ وتتربى بعزكـ

موقع عشيرة ال عجي – مواليد – فهد الغالي :

رزق الاخ الفاضل / نايف بن حواس المغيص بمولود ذكر هذا اليوم الأربعاء 9/11/1430هـ . جعله الله من مواليد السعادة واقر به اعين والديه . الف مبروكـ ويتربى بعزكـ

موقع عشيرة ال عجي – ابوفيصل :

نطمئن الجميع عن الخال فلاح العايد الطعيميس الذي يرقد على السرير الابيض في مستشفى الملكـ خالد بحائل بعد ان اجرى عملية جراحية ( حصوة ) امس الاحد 6/11/1430هـ . وهو الان بأتم صحة وعافيه ولله الحمد والشكر .

الجدير بالذكر انه منوم في قسم جراحة الرجال غرفة رقم (2) .

بديت باسم العالي النافع الضار = محي فتيت ٍ باليٍ داخل لحود
سميت باسمه في بدايات الاسطار = والشعر له دافع ورغبات وبنود
ولا كل من ترجم احاسيسه اشعار = يلمس عقول ٍ من الفطن تجني الفود
لابد من سيل العواطف بالافكار = وذاك الخيال اللي على الجم مهدود
ولفظ ٍ جزيل ٍ يمه البال يندار = ومن الطبيعة توج الحرف بورود
ومن الطبيعة اقتبس لون وشعار = حسن الطبيعة شوفها يجلي نكود
ورتب معاني قبل الاصدار = عذب المعاني سوقها يبرد كبود
واوزن حروف الشعر عن كل عثار = عن خوف بلقى بالتعابير منقود
قصيدةٍ تنحت على صم الاحجار = تسوى دواوين بها الضعف مشيود
نحت الشعر فوق الصفا يترك آثار = والخط فوق البيد ما عنه منشود
الدر غالي وموطنه وسط الابحار = ولا كل من غاص البحر يجني الزود
ولا تظلم بشعرك ترا الوقت دوار = يلفح ضميرك من عنا الوقت موقود
تلقاه في دنياك يا صار ما صار = ما ينفعك شعر ٍ به الظلم مشدود
او يدخر لك يوم روغا ت الابصار = تلقاه في يوم به الفعل مرصود
والكامل اللي عالم ٍ مد الاعمار = سبحانه اللي عالمٍ كل مجحود
وأنا هوى بالي ليا قيل مطار = وسحبٍ تراكم حاضيه هزة رعود
تلمح شعاع البرق مع وقت الاسفار = لمعة صقيل ٍ شاطر الحد مجرود
واستثقل المركوم وانهل حدار = والديم صافح مضمي الارض والعود
يروي ضما قاع ٍ خلت نبت الاشجار = ياما هيار النفد يروى عقب هود
والسيل يجرد من عواليه زجار = احس زجره يردع الهــــــــــم والكود
دلىَ يدك الحزم كنه يبي ثار= واطراف هوشاته بعيد ٍ له مدود
وقمت اتخيل لوحة الارض بازهار = وبراد ذعذاع الهوا هبت النود
انا اشهد انه شوفتن تجلىَ الاكدار = يطرب لها قلبٍ به الهم معقود
البدو تفرح والذي ساكنٍ دار = حتى الغريب اللي من الهجس مضهود
لو شافها شيخ ٍ من العجز ما ثار = ينسى زمان ٍ وده يعود
واخر مصير الحي لو طال باعمار = مترين من جوف البسيطة له حدود
ويالله عفوك يوم نرحل من الدار = تجعل جنابي عن لظى النار مبعود
وجميع مسلم تبعده عن لظى النار = قولوا معي آمين من غير معدود

قال الذي يحكم الامثال يا قالي = جزل المعاني على القرطاس توجها
ياما حلا منزل ٍ بالنايف العالي = تفضي هموم بوسط القلب مسهجها
وجلسة رجال ٍ لهم بالعز مدخالي = على دلال ٍ ً وصلو النار يرهجها
الهيل والبن وزنه فيهن اكتالي = ومزعفرات يحلي الكيف مدرجها
دنياك ما تصفي لاي انسان بالحالي = تدور ما احد عرف يا وين ملوجها
نوب ٍ تقوم حظوظ ٍ تصفق أميالي = ونوب ٍ تضيق على الانسان بفججها
ربيع عمرك يلاقي سم الامحالي = من دور وقت ٍ سهوم الحزن يزعجها
خلك مع اللي يا مال الوقت ما مالي = خيله على درب عز ٍ يوم يسرجها
واترك ردي ٍ على النمات ينهالي = وجه صدوق وبكرا بالغدر وجها
ويا زاد همك وحد الصبر للجالي = ما من سوى طلبت المعبود يفرجها
الله جعل لك سبب في خير الاعمالي = حث المطايا على الامجاد وانهجها