موقع عشيرة ال عجي
أبناء العجي الكرام :
السلام عليكم ورحمة الله وبركاته
لقد هاضت القريحة عندما رئيت هذا المحفل المشرف والذي نعتبره لنا جميعاً ويفتخر به جميع الزميل وشمر عامة , لايعلم الجميع كم هي سعادتي وانا اتلقى الاتصالات من الزملاء من خارج قبيلة الزميل وهم يثنون ويهنئون على نجاح هذا المخيم وهذا التجمع المبارك ان شاء الله تعالى , فبارك الله بكم وبيض الله وجيهكم . كما استاذنكم بتسميتكم ((تاج الزميل )) ولكم مني جزيل الشكر والاحترام
أخيكم / طلاع بن الادهم الشلاقي
قال الشلاقي يوم جته التفاكير=قمت أتخير من قوافي نظيفه
أختارها كني تخير مغاتير=أخذ من الجزلات واترك ظعيفه
ياجاش في صدري من الشعر تعبير=أقطف زهر عشب رياضه مريفه
أقف أنا لعجي هيبه وتقدير=ورث لنا رجال صعول شريفه
تاج الزميل وعزوتي ياهل الخير=أهل الكرم واهل الفعول الكليفه
ياناس فاض الشعر فعل المشاهير=بيت زما كنه جبال منيفه
تكاتفوا تجمعوا هالمناعير=شكراً لكم على الفعول الضريفه
بيت زما والله مافيه تقصير=وياشفت أنا غيره خفوقي يعيفه
وصلوا لهم مجداً بعيد المشاوير=بالفعل والهيبه ونفس خفيفه
حثوا خطاويهم على مقدم السير =وكثير من يرجع بساع نكيفه
ياعل جمعاكم على العز والخير=جموع المعزه للمعادي تخيفه
لجيرانهم بدر يشعشع تناوير=ولعدوهم ضلماء وللحلق شيفه
هذا شعر طلاع واقول تكرير=بيضاء لكم ياولاد الازمل أضيفه
اترك تعليقاً