قصيدة الشاعر نافع المحيا في حفل تكريم وتوديع الاستاذ خلف الفرحان الغنيم

طافت سنه ثنتين أربع عشر عـــام =وحنا زملاء يا طيب الذكــــــــر باقين
على المعزه والاخــــوه بالإســــلام =ما بيننا فـــــــــرق ولا فيــــــه صفين
كسبتنا بالطيب يانسل الإكــــــرام =أبو اخو معنا على الزيـــــــن والشين
بإدارتك وفقت للخيــــر بوســـــــــام=أرضيتنا ويضــــاء المعــــازيب راضين
حملت هم لديرتك طــــول الايــام =وأخلصـــت في شغلك وربي لك معين
تستاهل التكريم والذكــر لك دام =ولا هي غريبــــه الوفــــــــاء للوفيين
يابو حسين الشكر وايضاء والإكــرام =وأنت الذي تستاهلــــه بالمــــــوازين
عمود بيت نفتخــــربه ومقــــدام =هذا انت والطيب على الراس والعين
نطلب لك التوفيق في بـــاق الأيام =وعسى السعـادة في دروبك ميــــادين