• ×
الأحد 14 يوليو 2024 | 06-15-2024

الشاعر / راكان المشيط

ياللي تقول عجي من وين ؟ ياخبيل

ياللي تقول عجي من وين ؟ ياخبيل
9
0
5921
موقع عشيرة ال عجي 
ياللي تقول عجي من وين ؟ ياخبيل = تر. مسكنه بين الضلوع الحنايا
حنا عيال عجي والعزوة ازميل = وفعولنا بالطيب ماهي خفايا
ياناشدن عنا ترى نذبح الحيل = ابخبرك واهديك علمي هدايا
ربعي هل الردات ربعي هل الخيل = ربعي ليا عدت فعول الطنايا
اميرنا بشير اللي قام بالشيل = اميرنا اللي مايهاب المنايا
اميرنا بشير و ناصر مداهيل = لضيوفهم واللي نصوهم عنايا
آل العجي صعبين ماهم تساهيل = البدو واللي ساكنين القرايا
دخيلهم يانس بزين النعاليل = ويسلأ بزينين العمل والسجايا
ويوم المغازي والسيوف المساليل = ياما غزوا وياما خذوا من سبايا
كم مرتن غاروا على الجيش بالليل = وهجوا عداهم مثل روس العطايا
عدوهم لو كان جيشه كما السيل = يرجع كسير إن كان فيهم بقايا
ياما وياما فرقوا خيل عن خيل = وخيل العدو تارد وتصدر ضمايا
اللي يعاديهم يشوف الغرابيل = يذوق من نار المعارك بلايا
وياما وياما طوحوا من محاحيل = ورووا عدول البل وصدرت ملايا
حنا بنينا المجد غصبن بتذليل = غصبن على المبغض خبيث النوايا






تمت /
الشاعر / راكان بن دواس المشيط
التعليقات ( 9 )
  • صــــح لـــســـانكـ
    إبراهيم نهار صلفيق 12-16-2010 11:56 صباحاً

  • كفووووووووو يا راكان والف كفوووو والله يبيض وجهك على هالقصيده التي فعلاً تقدر بملايين ....

    الرجاء من إدارة الموقع عدم حرماننا من قصائد الشاعر/ راكان بن دواس






    لكم مني التحيه والتقدير
    محمد بن عبدالله الفهيد 12-16-2010 01:55 مساءً

  • صح لسانك ياراكان
    الله لايهينكـ
    تميـــــــــم 12-16-2010 02:09 مساءً
  • ابو دواس
    حركت المشاعر والاحاسيس يوم قلت 0

    اميرنا بشير وناصر مداهيل لضيوفهم واللي نصوهم عنايا

    ال عجي صعبين ماهم تساهيل البدو واللي ساكنين القرايا

    اللي يعاديهم يشوف الغرابيل يذوق من نار المعارك بلايا

    شاعر متمكن وعندك فراسه بالشعر وانشهد انك من فحول الشعر يوم قلت
    يناشدن عنا ترى نذبح الحيل ابخبرك واهديك علمي هدايا

    شاعر جزل

    شاعر متمرس بالشعر وبحوره السته عشر
    شاعر من جوهره شعراء ال عجي
    كفوو ينطح كفووو يابو دواس

    ننتظر اصدارك الجديد ياذيبان


    ابو لينان
    ابو لينان 12-16-2010 04:55 مساءً
  • صح لسانك يا ابو عبدالملك

    لا تبخل علينا بقصائدك

    الله يوفقك
    احد من الناس 12-16-2010 11:57 مساءً
  • دخيلهم يانس بزين النعاليل
    شكل الشاعر يقصد بزين التعاليل
    تميـــــــــم 12-17-2010 01:26 صباحاً
  • صح لسانكـ ,,


    يا بو عبدالملك ,,
    أبو ريما 12-17-2010 08:33 مساءً
  • صح لسانك يالشاعر اميرنابشير اللي قام بالشيل اميرنا اللي مايهاب المنايا ؟,,,,, الله يخلوعلي وابومحمدتيجان على روسنا
    نايف 12-26-2010 10:29 مساءً
  • صح لسانك

    وكفوووووووو

    ياولد عجي
    أبو بنـــدر 12-27-2010 01:32 صباحاً
أكثر