الشاعر نافع المحيا رداً على الشاعر طلاع الادهم الشلاقي
سر ياقلم وأكتب جديد التعابير
03-14-2011 07:35 صباحاً
3
0
3043
موقع عشيرة ال عجي
 |  | |
الاخ الفاضل طلاع الادهم الشلاقي لقد شرفتنا بهذه القصيدة الجميلة والتي أعتبرها شهادة نعتز بها جميعاً فلك مني ومن أبناء ال عجي الشكر والتقدير .كما أستاذنك بهذه الابيات رداً على قصيدتك مع الاعتذار عن التقصير مما قال نافع بن محيا الحسيان سر ياقلم واكتب جديد التعابير= من شاعر لامن بغاها يضيفه تجيه طوع ماتحده معاسير=ويارد ولاهي عند مثله كليفه يالشعر صور لي من الفكر تصوير= وخذلي دررها بالبيوت النظيفه هي حزتك والرد مافيه تبرير=والاوله ماتلحق بالوصيفه لاشك ماوالله نسوق المعاذير =نبي نشارك بالبيوت الطريفه عنز على طلاع راع التباشير= اللي تبين بالمواقف مقيفه أثنا علينا بالمدايح بتعبير=وهذي مواقيف الرجال الشريفه سميتنا بسم له اليوم تقدير= تاج الزميل وبالمفاخر نظيفه والله من طيبك ولا هي مصاخير= يشوش راسك للعلوم الظريفه تسلم وتسلم ياعشير المناعير=ولا هي غريبه والمواقف منيفه من لابة نفخر بهم بالتذاكير=فخر لشمر بالسنين المخيفه شلقان بالنخوه لهم مقدم السير= شلقان لاخافت نفوس ضعيفه شلقان ماهابو كثير المخاسير=أرواح تفنا والمراجل وظيفه شلقان نالو طيب الذكر تصخير=فعل يدرس للعيون الكفيفه مضرب مثل بين الرجال المشاهير=خوة شلاقي يالرجال العفيفه والله ونعم بالرجال المناعير=ماضي وحاضر والشواهد حليفه واقبل سلامي والتحيه وتقدير= وشكراً لكم توضع بوسط الصحيفه | ||
 |  |
يستاهل طلاع ويستاهلون الشلقان
بالتوفيق للجميع
.
صح لسااانك أبو فيصل ..
قصيدتك أعجبتني كثيراااا..
و يستاهل طلاع الأدهم هذا الوصف و الشكر..
لله درك ...
..
ابو فيصل والله من عذوبه الشعر ورصانه الافكار المتهلهله
شاعريتك جزله وصياغتك قمه في الروعه
تحياتي...ابو لينان