قصائد الشاعر / فهاد الريس بالعقيد محمد الدبلان

من فرحتي سببت لافكاري ازعاج=والروح يامحمد على الجسم هاجه
النجمتين اللي على المتن والتاج= تزهاك ياضد الردى والسماجه
من كبرها بالصدر مافيه مخراج=ماللوصف حالي بكثر ابتهاجه
فعل الردى من سبتك صابه احراج=طب المريض اللي صعيب علاجه
يوم الردي عن لازمه بالردى لاج=ابن العجي للصعب يضحك حجاجه
بدر الدجى بالمرجله مانت بسراج=ذخر لنا لا صار بالوقت حاجه
ميرادنا يوم الضماء مثل هداج=مايوم بالدنيا ضواميه داجه
كم واحد يامسندي جال افراج=من حضرتك ماهي سوالف خواجه
يابن العجي مبروك من خاطري هاج= من فرحة الريس تعدل مزاجه
فرحت فرحة واحد حيل محتاج=الله نواله خير وجاه انفراجه
او فرحة اللي حطوا الفرش ديباج=عريس فراحان بليلة زواجه
ياعادلن بالمرجله مانت منعاج=انت الفخر دايم على الراس تاجه
وصلاة ربي عد مابالوطى داج=على شفيع الخلق يوم المواجه

يم الحشيم اللي بالاعماق قدره=اللي هنا في خافقي صار له دور
مثله بهالدنيا من الناس ندره=الطيب عنده صار سور ورى سور
محمد ليا من العدو بان غدره=فعله مع أهل الطيب وافي ومشهور
يشوش وقت الطيب مافيه سدره=دايم على فعل المواجيب مأمور
يازين منطوقه وياوسع صدره=بحجاج ابوعبير تقراه بسطور
لجل الكرم بالسوق ماله يهدره=ماحسب الباقي على جمع وكسور
من لابت تزلزل القاع حدره=اولاد الازمل خصمهم دوم مدحور
قبيلة بالجود والمجد جدره=فزعاتهم دايم تجي لك على الفور
سليلهم هذا مثل نور بدره=نجم سطع يم السماءشع له نور
شوق الفتاة اللي هذوليك خدره=رمشه على حد الحجاجين طابور
جميله بالوصف ماهي بودره=ليا وصفو بالوصف توصف مع الحور
من هيبته كل الغنادير كدره=اسمه مع الخفرات يجرح ومحذور
شيهانه منزالها فوق سدره= تلعن ثوى البنات لياجاء له الدور
ولا مثل ريم على نو غدره=يرعى من الفيضه نواوير وزهور
على الشرف مبنى مقامه وجذره=كله مزايا زين والعرض مستور
تستاهله ياللي بالاعماق قدره=ياوفين بالمرجله مانت مغرور