قصيده مدح بالرائد ناصر بن نايف المشيط العجي

قم يانديبي فوق عجلاَ ليا سار = اليا تقضقض يودع البعد داني
جيبن جديد الصنع والنوع فكسار= عليه من رمز النجوح الضماني
علامة الجودة على زيكه اشعار = مكتوب تايوتا بخطن بياني
ارقام طبلونه تساوى بالاصفار = حول من المينا لدار ابن ثاني
مصنوع لصحراء بطل واسود القار = امحطم النيسان والبهبهاني
كن اشتغاله جلد هملول الامطار = واليا دعست اسليتره مايداني
يشبه لميقن حاديه واهج النار = تقطع مهاميه الخلا بالثواني
من سرعته ماترصده كل الاقمار = بين الكواكب كنها نجم ثاني
منصاك رجلاَ راعي الطيب والكار = في وسط حائل منزله والمكاني
ابن مشيط الشمري نسل الاخيار = بقولت هلا ينطحك لا جيت عاني
راعي دلالن كلهن صف بوجار = يضحك حجاجه دايمن مرحباني
ريف الضعيف اللي من الوقت محتار = يمناه تذبح من الكبوش السماني
حرن ولد حرن تعلى بالاوكار = نسل الرجال معربين المجاني
تاريخهم معروف في سر واجهار = وساع المجالس مقلطين الصياني
وان صاح صياح الضحا ياهل الثار = افعالهم كلن خبرها علاني
افعالهم ماتحصيه كل الاشعار = ولو ابي اعدد كان يعجز لساني
منساك ياناصر ذرا الضيف ولجار = فزعتك والله مثل سهيل اليماني
طيبك بحر واصبحت بالطيب بحار = فعلن ينومس كل قاصي وداني
نرفع لك البيضا على كل الاقطار = لايابعد خطو الكذوب الهداني
وصلو على سيد البشر خير مختار = نبينا اللي له بالاسلام شاني