• ×
الأربعاء 17 يوليو 2024 | 06-15-2024

مساجله مع الاستاذ القدير احمد بن فهد الازيمع 1412

مساجله مع الاستاذ القدير احمد بن فهد الازيمع 1412
0
0
126
 شكيتلك يالقرم أنا قبل الأعياد
وللحين ما جاني مردك علامه

وليش السبايب خبراً يابن الأجواد
يا طيب إلى كل طيبك شهامه

أصيح لك يالقرم والجرح يزداد
جرح الفراق اليوم صابن سهامه

صبرة لاكن صبري اليوم ما فاد
وإن طال صبري ما تجيني سلامه

يابن الأزيمع جيتك اليوم نشاد
نبي الإفادة من مضمن كلامه

نبي الحلول إلى بها العمر ينعاد
وأعيش مثل أول بعز وكرامه

كلمات الشاعر/ نافع العجي


ساهر الليل
يقول منهو ساهر الليل ما ناد
حتى يبان النور مدري علامة

ذالي على ذلحال مازقت مرقاد
ساهر وكلن متهني في منامه

هاضن أبو فيصل ولاني بقصاد
كله سبب منهوكواك بغرامه

تشكي لنا أحوالكم قبل الأعياد
ولاني بناسي لا تجي منك ملامه

يا بنت نافع للسهر صار معتاد
روفي بحالة لين يبلغ مرامه

حر ولد حر ولا فيه منقاد
وكاسب دروب المرجلة والشهامه

لا من وقف طيب العرب طيبه ازداد
وعز الله انه مسندي هو وسامه

هاف الحضر وشفيك وشفيك بعناد
لا لا يصير الجو زايد ضلامه

نفداك لو دونه صناديد بغداد
ولا براس طويق ولا تهامه

قبلك عشقت اللي له الروح تنقاد
ويضمه بوسط القلب شيد خيامه

مين العواذل يا بو فيصل وحساد
يالله عسى العذول تبلى عظامه

قلت السلام وقال ياهوه ويش عاد
واقفى الحبيب وطار فرخ الحمامه

صرنا سوى بالعشق يابن الأجواد
لا صرت في جرف أنا في عدامه

والخاتمة مني على قرم الأولاد
أحلى تحية والبقى والسلامه

كلمات/ أحمد فهد الازيمع
التعليقات ( 0 )
أكثر