موقع عشيرة ال عجي / ابوفيصل
من روائع الشاعر ناصر النايف المشيط حصلنا عليها بطريقتنا
الخاصة والتي لم يكن المعني بها الخال ممدوح المشيط يعلم بها .
قصيدة تحمل بطياتها الاحاسيس والمشاعر الصادقة
فلتسمح لي أبا أديم لنشرها دون أذنك .
الحمد لكـ يا مـبدّل الحال بالحال = يـاللي بـيديـك أمـري وعليك إتـكـالي
بديت بك صدر القصيده على الآل =وسميـت بـإسمك يــا عزيز الجــلالـي
يــاللي تسوق مـن المخاييل همــال = يــا مـسقـيٍ عبــدك قــــراحٍ زلالـــي
يكـم لـك بخلقـك تصاريف وأحوال =شــرق وجنـوب وغربـهــا والشمــالي
سبحانــك اللي ترزق العـبد بالمـال = مــالك شـريــك ولا شـبــيــهٍ مـثــالي
لــنتـا إلــهٍ يرسمـونـه بـ تـمثــال =ولــــنـتــا بـشـــر ولا إلـــهٍ خــيــالي
إنت الإلـه الفــرد والواحــد العـال = ربـــي ولا غـــيــرك بهالكــون والـي
سبحانك اللي مـا تـوفّيـك الأمثــال =لنّـك عظيـم وفـــوق الأمـثال عـــالـي
عبـــدك انا يـارب وهمـومي اثقـال =مشغـول فكري وضايقٍ حيــل بـــالـي
أدعيك دعـوى من سـطا فيه غـربال = متجــهّــمٍ وجــهي وفـيــك ابـتهــالي
فاقـد عـزيز وغيبته تشـغـل البــال= ممـدوح في وصفــه وابــن عــم غــالــي
رجــال في قولــه وبالفـعـل رجــال = وإن كــانهـا بــالمـال فـهو راس مـــالـي
اللي عليــه الدمـع من ضيقتي سـال = مـن مـوق عيــني لا ذكــرت وطـرالـي
شفته على فراش المرض ناحل الحال=وبالعيـن يسأل يـا هــلـي وش جــرالـي
لـليـوم يـســألـني ولليـــوم مــازال = دمـعي وضيـــقة صــدر فــوق احتمـــالي
أبطلبك يـا مـرسي الأرض بـجبــال = النـــايفــات الشـــامــخـات العــوالـي
ياللي بـأمرك ينـجلــي شـر الأهـوال = يــــالله رجيـــتك لا تــرد الســــؤالـي
تشفـي لنــا ممدوح عجـلٍ و بالحـال = وتــسر به عـيــنٍ تـمنّــى الــوصـــالـي
تبريه مــن شـــرٍ ولـــج بــه وينـزال = عنــه البــــلا وتبــــدّل الـمـر حــالـي
بأمـرك يا رب الكون يتبدّل الحـال = وعقـب البطـــى يــلتـــم غالي بغــالـي
وصـــلاة ربـــي عــد ما بالوطـى جال = رجـــلٍ مشــــاريبه وأكـــله حــلالــي
على النبـيِّ المصــطـــفى طيـب الفــال = واعـــداد مـا خــالف نهــاره ليــالـي
تمــت وحمـدك يــالـولي بـأول وتــال = قصــيــدةٍ أخـتــم بهــا الـقــاف آلــي
الشاعر / ناصر المشيط
صح لسانك ياأبو أديم
ابيات الاكثر من روعته وجماله هو الصدق الذي يلف حروفها
الف الحمدلله على سلامة بن العم الغالي أبوطلال يارب لك الف حمد وشكر
والف شكر لك اخي الغالي جدا أبواديم على هذه العذوبه والجماليه
غير المستغربه على قلم يتميز بالصدق والابدااااع
والله لايعيدها من ذيك ايام مرت بسلام ولله الحمد والمنّه
تقبل جل تقديري وفايق احترامي لشخصك الغالي
اخوك حائل دياري
صح لسانك يابو أديم
ياللـي بأمـرك ينجلـي شـر الأهــوال يالله رجـيـتـك لا تـــرد الـسـؤالــي
تشفـي لنـا ممـدوح عـجـلٍ و بالـحـال وتسـر بــه عـيـنٍ تمـنّـى الوصـالـي
تبريـه مـن شـرٍ ولــج بــه ويـنـزال عـنـه الـبـلا وتـبـدّل الـمــر حـالــي
بأمـرك يـا رب الكـون يتبـدّل الحـال وعقـب البطـى يلـتـم غـالـي بغـالـي
مشكور ابو فيصل
رائعه نتمنى تكراره....
الله لا يرجع ذيك الايام
والحمد لله على سلامتك يا ابو طلال
اللهم لك الحمد والشكر على سلامتك
صدقت الحمد لله اللي بدل أحوالنا ورجع لنا أبو طلال سالماً معافى...
كلمة رائعة قليلة في حقك أبو أديم دمت مبدعاً ومتألقاً دائماً كعادتك....
صح لسانك
ويستاهل ابو طلال هذه الابيات وهذه الوقفات المشرفه منكم
وعسى الله يجمعكم ولايفرقكم
العزيز ابو فيصل
\" بلا إذن ! ! \" . . ويملؤ النفس الرضى فلك أن تأخذ مني ما تشاء وكيفما تشاء.
كلمات كنت اقد احتضنتـها في ظلال الخصوصية لأشهر ولم أتوقع أن تخرجها الأيام علناً .
شكرا لذائقتك وشكرا لك انت
وللمعني بالأبيات جل الإحترام وأصدق الدعوات
ولمن شاركني الكلمه وأستحيت حروفي من عذب كلماته
حائل دياري
أحمد الحبيب
صح لسااانك
حروف مبهمه
مشراف
مشاكس
\" صح بدنكم . . \" وسلمت ذائقتكم
أعتز بحضوركم وبماحملتم من كلمات
كل الشكر وأصدقه لكم
تحايا وتقدير وأسأل الله ان يبارك لنا ولكم في شعبان ويبلغنا رمضان في أتم الصحه والإيمان
أخوكم / ناصر المشيط
صح لسانك
الظاهر كل واحد يرد على قريبه
رايتك بيضااااااااااااااااااااااااااااااااء يا ابو اديم
تشفي لنا ممدوح عجل وبالحال
وتسر به عين تمنى الوصالي
الحمد لله عللا سلامه ابو طلال ازمه وعده
واللهم اتم عليه الصحه والعافيه ياسميع الدعاء
ناصر انت
شاعر جززززززززززززززززززززززززززززززززززززززززل
انت
شاعر مبدع صاحب احساس ناعم وملموس
والى الامام يابو اديم انت
ابو تركي
أبيات رااائعة ,,
لنتـا إلـهٍ يرسمـونـه بـتمـثـال ولنتـا بشـر ولا إلــهٍ خيـالـي
وقفت تأمل ,وإعجاب ,
,,,,
عبدك انا يـارب وهمومـي اثقـال مشغول فكري وضايقٍ حيـل بالـي
أدعيك دعوى من سطا فيه غربـال متجهّـمٍ وجهـي وفيـك ابتهـالـي
فاقد عزيز وغيبتـه تشغـل البـال ممدوح في وصفه وابن عـم غالـي
رجال فـي قولـه وبالفعـل رجـال وإن كانها بالمال فهـو راس مالـي
صح لسانكـ ,,
ولا تحرمنا من روووائعكـ يا بو أديم ,,
صح لسانك يابو أديم
كلمات في غاية الروعة خارجة من قلب ملهوف وصادق الحب لأخ عزيز علينا جميعاً --
والحمد لله على سلامة اخوي ابو طلال --
يأبو أديم
أثريك شاعر ماشألله عليكـ