الشاعر نافع آل عجي

الرئيسية شعراء آل عجي الشاعر عقاب عبيد الطعيميس النايف العالي — عقاب الطعيميس

النايف العالي — عقاب الطعيميس

Written by

admin

in

قال الذي يحكم الامثال يا قالي = جزل المعاني على القرطاس توجها
ياما حلا منزل ٍ بالنايف العالي = تفضي هموم بوسط القلب مسهجها
وجلسة رجال ٍ لهم بالعز مدخالي = على دلال ٍ ً وصلو النار يرهجها
الهيل والبن وزنه فيهن اكتالي = ومزعفرات يحلي الكيف مدرجها
دنياك ما تصفي لاي انسان بالحالي = تدور ما احد عرف يا وين ملوجها
نوب ٍ تقوم حظوظ ٍ تصفق أميالي = ونوب ٍ تضيق على الانسان بفججها
ربيع عمرك يلاقي سم الامحالي = من دور وقت ٍ سهوم الحزن يزعجها
خلك مع اللي يا مال الوقت ما مالي = خيله على درب عز ٍ يوم يسرجها
واترك ردي ٍ على النمات ينهالي = وجه صدوق وبكرا بالغدر وجها
ويا زاد همك وحد الصبر للجالي = ما من سوى طلبت المعبود يفرجها
الله جعل لك سبب في خير الاعمالي = حث المطايا على الامجاد وانهجها

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

More posts