الشاعر ملفي سليمان زحام الشلاقي

بديت بالله والأمثال جبناه=بحفل العجي والأمثال طابه
عيال الزميلي والمخايم إمبناه=حفلٍ لشمر بالجبل للقرابه
يطربله الواتي من بعد إليجاه= شعارها للزاير يامرحبا به
باسم شمر واللي بعيد تنصاه= ياهلا به ألف والقدر له وجابه
أهلاً وسهلاً في قدومه وممشاه=إعداد ما هل المطر من سحابه
قبيلة له مواقف ثميناه =تعتز به شمر وكلٍ يهابه
فيها رجال له مواقف صعيباه=بشير بن علي الأمجاد جابه
وأخوه ناصر بالمواقف ذكرناه=مواقفٍ لعجي كلٍ درابه
مار اختصر في ذكرها ما قويناه=وإن جيت للتاريخ تلقا الإجابه
فرج أبي البيارق وحليـاه = اللي بالنوماس يذكر جنابه
له علومٍ بالمواقف قديماه=يركض على الموت الحمر ما يهابه
يرفع البيرق ما تعثر ممن بممشاه=قدام شمر والشهادة جوابه
هذا نسل عجي ومثله وشرواه=وقت الحرايب كل أبوهم ذيابه
إليا ثار حس الهيج وقت الملاقاه =ما فيهم اللي يهاب الحرابه
وإن جيت وقت السلم هو والرخاواه=تلقى الكرم والزين هو والحبابه
أهل رباعٍ بالنوازي إمبناه=مضايف للضيف تفتح أبوابه
واذكر فهد شيخ الأزمل ما تنيساه=يتعثر قالت قام وحكابه
أبو فيصل راعي العلوم الحميداه=اللي سكن بالبيت ومفتوح بابه
ينساح بال اللي تعنا إليا جاه=تلقى الكرم والرفق منطق هذا به
قول الشلاقي من عيال الدعيجاه=عز الخوي يوم يشكي صوابه
وصلوا على محمد كثير الصلواه=اللي للإسلام دين هدابه